ءماجىلىس پوشتا تۋرالى زاڭعا وزگەرىس ەنگىزدى

فوتو: اشىق دەرەككوز

پوشتا جونەلتىلىمىن pin-كود ارقىلى الۋعا بولادى, دەپ جازادى qandastar.kz.

ءماجىلىس پوشتا نارىعىن دامىتۋعا باعىتتالعان «پوشتا تۋرالى» زاڭعا ەنگىزىلەتىن تۇزەتۋلەردى ءبىرىنشى وقىلىمدا ماقۇلدادى. اتاپ ايتقاندا, پوشتا جونەلتىلىمىن جەتكىزۋ جانە تاپسىرۋ ءراسىمىن وڭايلاتۋ, پارول (پين-كود) ەنگىزە وتىرىپ, قۇقىقتى راستاۋ پروتسەسى ارقىلى كەلىسىم الۋ جولىمەن ادرەساتتارعا, ولاردىڭ زاڭدى وكىلدەرىنە, سەنىم بىلدىرىلگەن وكىلدەرگە نە ءۇشىنشى تۇلعالارعا بەرۋ قاراستىرىلعان. پوشتاماتتاردى كوپپاتەرلى تۇرعىن ۇيلەردە ورنالاستىرۋ نورمالارى دا ناقتىلانادى.

عيماراتتاردىڭ, قۇرىلىسجايلاردىڭ, پاتەرلەردىڭ جانە تۇرعىن ەمەس ءۇي-جايلاردىڭ مەنشىك يەلەرى پوشتا وپەراتورلارىنا پوشتاماتتاردى شارتتىق نەگىزدە ورناتۋ ءۇشىن الاڭدار بەرە الادى. سونىمەن قاتار پوشتا جاشىكتەرى ارقىلى قاراپايىم حاتتاردى جىبەرۋ كولەمىنىڭ جىل سايىنعى تومەندەۋىن, ولاردىڭ وزەكتىلىگىنىڭ جوعالۋىن, كۇتىپ-ۇستاۋ شىعىندارىن جانە پوشتا بولىمشەلەرىندە حاتتاردى قابىلداۋ مۇمكىندىگىن ەسكەرە وتىرىپ, بۇل نورمالاردى زاڭ ماتىنىنەن الىپ تاستاۋ ۇسىنىلادى.

بۇل رەتتە كوپپاتەرلى تۇرعىن ۇيلەردە ورنالاسقان ابونەنتتىك جاشىكتەر تۋرالى ەرەجەلەر وزگەرىسسىز قالادى.