ماجىلىستەن كەتكەن بەردەنوۆ جاڭا قىزمەتكە جايعاستى

فوتو: اشىق دەرەككوز

پارلامەنت ءماجىلىسىنىڭ دەپۋتاتى رۋسلان بەردەنوۆ شىمكەنت قالاسى اكىمىنىڭ ورىنباسارى بولدى, دەپ حابارلايدى qandastar.kz

شىمكەنت قالاسى اكىمىنىڭ ءباسپاسوز قىزمەتى ۇسىنعان اقپاراتقا سۇيەنسەك, تاعايىنداۋ تۋرالى شەشىم پرەزيدەنت اكىمشىلىگىمەن كەلىسە وتىرىپ قابىلدانعان.

رۋسلان بەردەنوۆ شىمكەنت قالاسىنىڭ تۋماسى.

قازاق, اعىلشىن, ورىس, تۇرىك, ازەربايجان تىلدەرىندە ەركىن سويلەيدى.

ءبىلىمى جوعارى, 2006 جىلى مەنەدجمەنت ماماندىعى بويىنشا ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن. 2009 جىلى كيمەپ ۋنيۆەرسيتەتىن ىسكەرلىك باسقارۋ ماگيسترى (MBA) دارەجەسىمەن ءبىتىردى.

ەڭبەك جولىن 2005 جىلى «الماتى قۇس» ااق («سەيمار» توبى) كومپانياسىنىڭ بولشەك ساۋدا ديرەكتورى قىزمەتىنەن باستادى.

2007 جىلعى اقپان-2010 جىلعى شىلدە-Procter & Gamble كومپانياسىنىڭ باس لوگيستيكالىق ۇيلەستىرۋشىسى.

2010 جىلعى شىلدە-2012 جىلعى قاراشا – «Eastcomtrans» جشس جىلجىمالى قۇرامدى جالداۋ ءبولىمىنىڭ باستىعى.

2012 جىلعى قاراشا-2018 جىلعى مامىر – «اق نيەت» جشس باس ديرەكتورى.

2018 جىلعى قاراشا-2019 جىلعى ءساۋىر – «اق نيەت» جشس بايقاۋ كەڭەسىنىڭ مۇشەسى.

2019 جىلعى ءساۋىر-2023 جىلعى ناۋرىز-Aq niet Group بايقاۋ كەڭەسى توراعاسىنىڭ ورىنباسارى.

2023 جىلعى 29 ناۋرىزدان باستاپ – «Respublica» پارتياسىنىڭ پارتيالىق ءتىزىمى بويىنشا VIII سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, قارجى جانە بيۋدجەت كوميتەتىنىڭ مۇشەسى. 2023 جىلعى ناۋرىزدان باستاپ VIII سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى «Respublica» پارتياسىنىڭ پارتيالىق ءتىزىمى بويىنشا سايلاندى.

2022 جىلى قازاقستان رەسپۋبليكاسىنىڭ الەۋمەتتىك-گۋمانيتارلىق دامۋىنداعى ەرەكشە جەتىستىكتەرى, بەلسەندى قوعامدىق قىزمەتى, مادەنيەتتى دامىتۋعا قوسقان ەرەكشە ۇلەسى ءۇشىن « قازاقستاننىڭ ەڭبەك ەر» اتاعى – ۇزدىك دارەجەسى بەرىلدى.