جاڭالىقتار
ءماجىلىستىڭ جالپى وتىرىسى باستالدى
فوتو: اشىق دەرەككوز
ءماجىلىس ءبىرىنشى وقىلىمدا دەپۋتاتتار باستاماشى بولعان «پوشتا تۋرالى» زاڭعا ەنگىزىلەتىن وزگەرىستەر مەن تولىقتىرۋلاردى تالقىلايدى, دەپ جازادى qandastar.kz
ەكىنشى وقىلىمدا بيۋدجەت كودەكسىنىڭ جوباسىن جانە وعان بيۋدجەت زاڭناماسىن جەتiلدiرۋ مەن «كونتسەسسيالار تۋرالى» زاڭنىڭ كۇشى جويىلدى دەپ تانۋ تۋرالى ىلەسپە تۇزەتۋلەردى, اكىمشىلىك قۇقىق بۇزۋشىلىق تۋرالى كودەكسكە ەنگىزىلەتىن وزگەرىستەر تۋرالى زاڭ جوباسىن قارايدى. سونىمەن قاتار كۇن ءتارتىبىنىڭ جوباسىندا «مادەنيەت تۋرالى» زاڭعا تولىقتىرۋلار ەنگىزۋ تۋرالى زاڭ جوباسى, ديپلوماتيالىق قىزمەت ماسەلەلەرى بويىنشا تۇزەتۋلەر, ەۋرازيالىق ەكونوميكالىق وداق پەن وعان مۇشە مەملەكەتتەر جانە يران, سينگاپۋر رەسپۋبليكالارى اراسىنداعى ەركىن ساۋدا تۋرالى ەكى راتيفيكاتسيالىق كەلىسىم بار. تىكەلەي ەفيردى parlam.kz رەسمي سايتىنان, ءماجىلىستىڭ YouTube ارناسى مەن Facebook پاراقشاسىنان, 24KZ جانە Jibek Joly تەلەارنالارىنان كورە الاسىزدار. ءبىزدىڭ الەۋمەتتىك جەلىلەردەگى پاراقشالارىمىزدى وقي جۇرىڭىزدەر.
