“مەدالىمدى لومباردقا وتكىزگىم كەلدى“. نازىم قىزايباي جۇلدە العان كەزىن ەسكە الدى

فوتو: instagram.com/tv7_kz/

جازعى وليمپيادا ويىندارىنىڭ جۇلدەگەرى نازىم قىزايباي «ايگەرىم سەيفوللامەن سىرلاسۋدا» تەلەباعدارلاماسىنا بەرگەن سۇحباتىندا ەڭ العاش جۇلدە العان كەزىن ەسكە الدى, – دەپ حابارلايدى qandastar.kz Massaget.kz سىلتەمە جاساپ.

ول العاشقى مەدالىن ساتىپ جىبەرگىسى كەلگەنىن جەتكىزدى.

«العاشقى مەدالىمدى قازاقستان چەمپيوناتىندا ەرماحان يبراگيموۆ تاققان بولاتىن. سول كەزدە ەرماحان اعامەن سۋرەتكە ءتۇسىپ, ەڭ ءبىرىنشى جەڭىسىم وسىنداي. بىزگە مەدال تابىستالاتىن ۋاقىتتا ونى التىن دەپ بەرەدى عوي, نە دەگەنىمەن, ءبىرىنشى ورىن. مەن ونى تاعىپ الىپ, التىن دەپ ويلاپ تۇرمىن, نەگىزى شىنىمەن التىن ەكەنىن ول كەزدە بىلمەدىم. سودان «مىنانى لومباردقا وتكىزىپ, اقشاسىن ۇيگە بەرسەم» دەگەن وي كەلدى. كومەكتەسكىم كەلدى. مەدالدىڭ قۇنى التىنداي بولدى. سول كەزدە كوزگە كورىندىم. ءسويتىپ, ۋاقىتىمنان بۇرىن ايەلدەر اراسىندا جۇدىرىقتاسا باستادىم. كەيىنىرەك ءبىر جيىنعا باس باسپەر مەنى باسقا قىزدار كەلمەي قالعاندىقتان ولاردىڭ ورنىنا شاقىردى. ول كەزدە ءوزىمدى كورسەتۋ ءۇشىن جۇگىرەتىنمىن. 2010 جىلى قازاقستان بويىنشا ايەلدەر اراسىنداعى چەمپيون بولدىم, سودان كەيىن قۇراما قاتارىنا قوسىلدىم», – دەدى ول.