“Medalimdi lombardqa ótkizgim keldi“. Nazym Qyzaıbaı júlde alǵan kezin eske aldy

Foto: instagram.com/tv7_kz/

Jazǵy olımpıada oıyndarynyń júldegeri Nazym Qyzaıbaı «Áıgerim Seıfollamen syrlasýda» telebaǵdarlamasyna bergen suhbatynda eń alǵash júlde alǵan kezin eske aldy, – dep habarlaıdy qandastar.kz Massaget.kz silteme jasap.

Ol alǵashqy medalin satyp jibergisi kelgenin jetkizdi.

«Alǵashqy medalimdi Qazaqstan chempıonatynda Ermahan Ibragımov taqqan bolatyn. Sol kezde Ermahan aǵamen sýretke túsip, eń birinshi jeńisim osyndaı. Bizge medal tabystalatyn ýaqytta ony altyn dep beredi ǵoı, ne degenimen, birinshi oryn. Men ony taǵyp alyp, altyn dep oılap turmyn, negizi shynymen altyn ekenin ol kezde bilmedim. Sodan «mynany lombardqa ótkizip, aqshasyn úıge bersem» degen oı keldi. Kómekteskim keldi. Medaldiń quny altyndaı boldy. Sol kezde kózge kórindim. Sóıtip, ýaqytymnan buryn áıelder arasynda judyryqtasa bastadym. Keıinirek bir jıynǵa bas basper meni basqa qyzdar kelmeı qalǵandyqtan olardyń ornyna shaqyrdy. Ol kezde ózimdi kórsetý úshin júgiretinmin. 2010 jyly Qazaqstan boıynsha áıelder arasyndaǵy chempıon boldym, sodan keıin qurama qataryna qosyldym», – dedi ol.