مەدەۋ ارىنباەۆتىڭ “داريعا جۇرەگى” داريعا نازارباەۆاعا ارنالعان ءان بوپ شىقتى

فوتو: اشىق دەرەككوز

حالىق اراسىندا كەڭىنەن تانىلعان «داريعا جۇرەك» ءانى ارنايى تاپسىرىسپەن داريعا نازارباەۆا ءۇشىن جازىلعان, — دەپ حابارلايدى qandastar.kz Massaget.kz سايتىنا سىلتەمە جاساپ. 

وسىدان 20 جىل بۇرىن جارىققا شىققان «داريعا جۇرەك» ءانىنىڭ اۆتورى — باۋىرجان ەسەباەۆ, ال حالىققا تانىتقان ورىنداۋشى – مەدەۋ ارىنباەۆ.

«نەگىزى بۇل اقپاراتتى بۇرىن اشىق ايتقان ەمەسپىن. كۇندەردىڭ كۇنىندە ماعان سول كەزدەگى «حابار» تەلەارناسىنىڭ باس پروديۋسەرى سەرىك اباس-شاح حابارلاستى دا, تەلەارنا جاققا كەلۋىمدى ءوتىندى. «داريعا نازارباەۆانىڭ تۋعان كۇنى كەلە جاتىر. سوعان ءبىر ءان جازىپ, كليپ ءتۇسىرۋىمىز كەرەك» دەدى. ءسويتىپ تاپسىرىس الدىم. ۋاقىت ءوتىپ جاتىر, سەرىك اباس-شاح تا مەنى اسىقتىردى. ء«ان قايدا, ءان قايدا?» دەپ كۇندە سۇرايدى. ءار ءاندى جازعان كەزدە ىزدەنەسىڭ عوي, سول كەزدە مەن مۇقاعالي ماقاتاەۆتىڭ «داريعا جۇرەك» دەگەن پوەماسىن كورىپ قالدىم. شىعارمادان قاتتى اسەر الدىم. سول كەزدە وسى «داريعا جۇرەك» دەگەن ءان جازسام دەگەن وي كەلدى. ءاننىڭ اتاۋىن سولاي تاپتىم. ال مۇقاعالي اتامىزدىڭ «داريعا جۇرەك» پوەماسى يدەيانىڭ كوزى بولدى. سودان كەيىن وسى «داريعا جۇرەك» دەگەن اتاۋدى الىپ, ءوزىم ءانى مەن ءسوزىن جازىپ, سەرىك اباس-شاحقا وتكىزىپ جىبەرسەم دەپ جوسپارلادىم. ايتەۋىر داريعا دەگەن اتى تۇر, ونى سەرىك اعا بىلە قويماس دەپ ويلادىم. ءسويتىپ سەرىك اباس-شاح ءاندى قۋانا-قۋانا الىپ, سول ساتتە-اق ءان وڭدەۋشى رينات گايسينگە بەردى», — دەيدى باۋىرجان ەسەباەۆ.