«Medeý» tabıǵı parkiniń jerleri memleket menshigine qaıtaryldy

Prokýratýra málimetinshe, erekshe qorǵalatyn tabıǵı aýmaqtardy alyp jatqan jerler, jeke menshikte bola almaıdy. «Alaıda 2020 jyly tabıǵı park aýmaǵynda jeke tulǵalar aýdany 35 ga 10 jer ýchaskesine menshik quqyǵyn tirkegen. Buǵan Gornooktıabr aýyl ákimshiliginiń 1994-1997 jyldardaǵy jer ýchaskelerin bólý týraly sheshimderiniń bar ekendigi jóninde muraǵattyq anyqtamalar negiz boldy. Muraǵattyq anyqtama quqyq belgileıtin qujat bolyp tabylmaıtynyna qaramastan, tirkeýshi organ menshik quqyǵyn zańsyz tirkegen», – delingen habarda. Almaty qalasynyń prokýratýrasy atalǵan anyqtamalardy jáne jer telimderin ıelikten shyǵarý jónindegi keıingi mámilelerdi jaramsyz dep taný týraly sotqa júgingen. Sot sheshimimen prokýrordyń talap-aryzdary qanaǵattandyrylyp, «Medeý» tabıǵı parkine kadastrlyq quny 3 mlrd teńge somasyndaǵy jer qaıtaryldy. «Sonymen qatar sotqa qatysýdy qamtamasyz etken Medeý aýdany prokýratýrasynyń ótinishhaty boıynsha menshik quqyǵyn tirkeý kezinde jiberilgen buzýshylyqtar úshin sot kináli tulǵalardyń jaýaptylyq máselesin qaraý jóninde jeke uıǵarymdar shyǵardy», – delingen habarda.