«مەدياماگناتتىڭ اتى اتالادى»: شەنەۋنىكتەرگە قاتىستى قىلمىستىق ىستە بايتاسوۆ قايدان ءجۇر?

«الماتىداعى قىلمىستىق ىستەر  جونىندەگى مامانداندىرىلعان  اۋدانارالىق سوتتا  تاعى ءبىر قىزىق پروتسەسس باستالدى. ايىپتالۋشىلار – اكىمدىكتە جەر  ماسەلەلەرى ءۇشىن جاۋاپتى بولعان بۇرىنعى باسقارما باستىعى الماسحان  احمەدجانوۆ پەن ارداق  سامامبەتوۆ باستاعان جەر مەن قۇرىلىسقا رۇقسات بەرۋگە قاتىسى بار شەنەۋنىكتەر. بۇل داۋلى ءىس, سەبەبى ول تەك مەملەكەتتىك قىزمەتكەرلەرگە عانا ەمەس, قالاداعى ەليتا وكىلدەىنە – دەپۋتاتتار مەن ءىرى كاسىپكەرلەرگە قاتىستى. مەن ايىپتاۋ اكتىن وقىپ شىقتىم, 159 بەتتە جازىلعان نارسەنى ءبىر جازبامەن تۇسىندىرە المايمىن. سوندىقتان ماتەريالدى بىرنەشە بولىمگە ءبولىپ تۇسىندىرەمىن. بۇگىن قۇرىلىس سالۋشىلاردان كەرى قايتارىم (وتكات) الۋ سحەماسى تۋرالى ءتۇسىندىرىپ بەرەمىن. وندا ءوزىن مەدياماگنات دەپ اتايتىن بىرنەشە باق يەسى ارمانجان بايتاسوۆتىڭ دا اتى اتالادى», – دەيدى كوزاچكوۆ.

ونىڭ سوزىنشە,الماسحان  احمەدجانوۆ رۇقساتتاردى زاڭسىز  رەسىمدەۋدە  كورسەتىلگەن  لاۋازىمدىق وكىلىن تەرىس پايدالاندى دەگەن كۇدىككە دە ىلىنگەن.

«الدەبىر كوممەرسانتتاردا جاقسى اۋداندا تۇرعان جەرى بار دەپ ەلەستەتەيىك, جەكە تۇرعىن ءۇي سالامىن دەگەن ناقتى ماقساتى بولادى. قارابايىر تىلمەن ايتقاندا وتباسىنا ءۇي سالىپ بەرەدى. ال ولار بىرنەشە وتباسىنا ارنالعان ءۇي ياعني تۇرعىن ءۇي سالعىسى كەلەدى. ول ءۇشىن جەردى پايدالانۋدىڭ ماقساتىن وزگەرتۋ كەرەك. بىراق ونى قالاي ىستەيدى? دۇرىس, شەنەۋنىكتەرمەن كەلىسەدى.  مىسالى انتيكوردىڭ بولجامى بويىنشا, احمەدجانوۆپەن بوريس چەن كەلىسىم جۇرگىزگەن. ول ۋربانيستيكا باسقارماسىنىڭ باسشىسىن ەكى جەر ۋچاسكەسىندە بىرنەشە ءۇي سالۋعا رۇقسات بەرىپ, قۇجاتقا قول قويۋعا كەلىستىرەدى. ونىڭ بىرەۋى ناقتى قولدانۋ ماقساتى بار (يجس) جەر, ەكىنشىسى شارۋا قوجالىعى. بىراق بىرنەشە ءۇي سالىپ, ونى ساتىپ جىبەرگەن. مەملەكەتكە 150 ميلليون تەڭگە شىعىن كەلتىرىلگەن», – دەيدى جۋرناليست.

كوزاچكوۆتىڭ ايتۋىنشا, ءىس بويىنشا ەكىنشى ەپيزود باسقا تۇرعىن ۇيمەن بايلانىستى. ونىڭ قۇجاتتارى دا ءبىرىنشى سحەمامەن جاسالىپ, مەملەكەتكە 110 ميلليون تەڭگە شىعىن كەلگەن دەپ جازدى Dalanews.kz.

«ال ءۇشىنشى ەپيزودتا ارمانجان بايتاسوۆ پايدا بولعان. بىرنەشە باق-تىڭ يەسى قۇرىلىسپەن دە اينالىساتىن بولىپ شىقتى. بايتاسوۆ قۇرامىنا «كورپوراتسيا ارت-مەديا» جشس كىرەتىن «تان مەديا گرۋپپ» جشس-نە يەلىك ەتەدى. ال الماتىنىڭ ورتالىق اۋدانىندا ورنالاسقان River Park تۇرعىن ءۇي كەشەنىن سالۋمەن اينالىسقان كومپانيا اتاۋى دا سونداي. تۇرعىن ءۇيدىڭ ساپاسى ناشار. ول اۋداندا قۇرىلىس ونسىز دا تىعىز بولعاندىقتان كوپ ءۇي سالۋعا بولمايتىن. شەنەۋنىكتەر دە ونى بىلەتىن, سوندا دا قۇجاتتارىن قابىلداعان. انتيكور قۇجاتتاردى راسىمدەۋ ءۇشىن پاتەر تۇرىندەگى سىياقى بەرىلگەن بولۋى مۇمكىن دەپ بولجاپ وتىر. سەبەبى بۇل تۇرعىن ۇيدەن احمەدجانوۆتىڭ كۇيەۋبالاسى ءۇيدى اۋىز تولتىرىپ ايتاتىنداي جەڭىلدىكپەن العان. 30 ميلليون تەڭگەدەي تۇراتىن پاتەر 9 ميلليونعا ساتىلعان», – دەيدى جۋرناليست.