«Medıamagnattyń aty atalady»: sheneýnikterge qatysty qylmystyq iste Baıtasov qaıdan júr?

«Almatydaǵy qylmystyq ister  jónindegi mamandandyrylǵan  aýdanaralyq sotta  taǵy bir qyzyq proess bastaldy. Aıyptalýshylar – ákimdikte jer  máseleleri úshin jaýapty bolǵan burynǵy basqarma bastyǵy Almashan  Ahmedjanov pen Ardaq  Samambetov bastaǵan jer men qurylysqa ruqsat berýge qatysy bar sheneýnikter. Bul daýly is, sebebi ol tek memlekettik qyzmetkerlerge ǵana emes, qaladaǵy elıta ókildeine – depýtattar men iri kásipkerlerge qatysty. Men aıyptaý aktin oqyp shyqtym, 159 bette jazylǵan nárseni bir jazbamen túsindire almaımyn. Sondyqtan materıaldy birneshe bólimge bólip túsindiremin. Búgin qurylys salýshylardan keri qaıtarym (otkat) alý shemasy týraly túsindirip beremin. Onda ózin medıamagnat dep ataıtyn birneshe BAQ ıesi Armanjan Baıtasovtyń da aty atalady», – deıdi Kozachkov.

Onyń sózinshe,Almashan  Ahmedjanov ruqsattardy zańsyz  resimdeýde  kórsetilgen  laýazymdyq ókilin teris paıdalandy degen kúdikke de ilingen.

«Áldebir kommersanttarda jaqsy aýdanda turǵan jeri bar dep elesteteıik, jeke turǵyn úı salamyn degen naqty maqsaty bolady. Qarabaıyr tilmen aıtqanda otbasyna úı salyp beredi. Al olar birneshe otbasyna arnalǵan úı ıaǵnı turǵyn úı salǵysy keledi. Ol úshin jerdi paıdalanýdyń maqsatyn ózgertý kerek. Biraq ony qalaı isteıdi? Durys, sheneýniktermen kelisedi.  Mysaly Antıkordyń boljamy boıynsha, Ahmedjanovpen Borıs Chen kelisim júrgizgen. Ol ýrbanıstıka basqarmasynyń basshysyn eki jer ýchaskesinde birneshe úı salýǵa ruqsat berip, qujatqa qol qoıýǵa kelistiredi. Onyń bireýi naqty qoldaný maqsaty bar (IJS) jer, ekinshisi sharýa qojalyǵy. Biraq birneshe úı salyp, ony satyp jibergen. Memleketke 150 mıllıon teńge shyǵyn keltirilgen», – deıdi jýrnalıst.

Kozachkovtyń aıtýynsha, is boıynsha ekinshi epızod basqa turǵyn úımen baılanysty. Onyń qujattary da birinshi shemamen jasalyp, memleketke 110 mıllıon teńge shyǵyn kelgen dep jazdy Dalanews.kz.

«Al úshinshi epızodta Armanjan Baıtasov paıda bolǵan. Birneshe BAQ-tyń ıesi qurylyspen de aınalysatyn bolyp shyqty. Baıtasov quramyna «Korporaııa Art-Medıa» JShS kiretin «Tan Medıa Grýpp» JShS-ne ıelik etedi. Al Almatynyń ortalyq aýdanynda ornalasqan River Park turǵyn úı keshenin salýmen aınalysqan kompanııa ataýy da sondaı. Turǵyn úıdiń sapasy nashar. Ol aýdanda qurylys onsyz da tyǵyz bolǵandyqtan kóp úı salýǵa bolmaıtyn. Sheneýnikter de ony biletin, sonda da qujattaryn qabyldaǵan. Antıkor qujattardy rásimdeý úshin páter túrindegi syıaqy berilgen bolýy múmkin dep boljap otyr. Sebebi bul turǵyn úıden Ahmedjanovtyń kúıeýbalasy úıdi aýyz toltyryp aıtatyndaı jeńildikpen alǵan. 30 mıllıon teńgedeı turatyn páter 9 mıllıonǵa satylǵan», – deıdi jýrnalıst.