Meıirbek Sultanhan aıtysta top jaryp, «Altyn dombyra» aldy

Foto: partııa

«AMANAT» partııasynyń qoldaýymen Táýelsizdik kúni qarsańynda qanat jaıǵan «Altyn dombyra» respýblıkalyq aqyndar aıtysy óz máresine jetti. Mádenıet jáne aqparat mınıstrligi uıymdastyrǵan dástúrli doda bıyl «Tórlet, eńbek adamy» taqyrybynda ótti, dep jazdy qandastar.kz

О́z kezeginde, «AMANAT» partııasynyń Atqarýshy hatshysy Dáýlet Káribek Memleket basshysy Qasym-Jomart Toqaev ulttyq ónerimizge árkez qoldaý kórsetip kele jatqanyn jetkizdi.

«О́zderińiz biletindeı, el Prezıdenti keler jyldy «Jumysshy mamandyqtary jyly» dep jarııalaǵan bolatyn. Sondyqtan «Tórlet, eńbek adamy» taqyrybynda uıymdastyrylǵan bul aıtystyń basty maqsaty – adal eńbek ıelerin dáripteý, tórge shyǵarý jáne nasıhattaý. Mine, eki kún boıy erke Esildiń boıynda – Astana tórinde alaman aıtystyń kýási boldyq. Eldiń aıyzyn qandyrǵan, aıbaryn asyrǵan doda boldy degen oıdamyn. Barshańyzǵa shynaıy alǵysymdy bildiremin», – dedi partııanyń Atqarýshy hatshysy.

Osy oraıda Aıtys aqyndary men jyrshy-termeshilerdiń halyqaralyq odaǵynyń tóraǵasy, belgili aqyn Júrsin Erman aıtys óneriniń máni men mańyzyna toqtaldy.

«Búgingi aıtys – qazaq jyrynyń toıy, jyr jármeńkesi. Mundaı aıtysty kórgen de bar, kórmegen de bar. Aıtys – kıeli óner. Ony árdaıym qoldap, qorǵashtaı bilý qajet», – dedi ol.

Al Mádenıet jáne aqparat vıe-mınıstri Aızada Qurmanova jınalǵan kópshilikti óner merekesimen quttyqtap, aqyndar qaýymyna alǵysyn bildirdi.

«Qashan da qazaq halqy úshin eńbek adamynyń mártebesi bıik. Sondyqtan  búgingi aıtystyń taqyryby kezdeısoqtyq emes.  Aıtys – halqymyzdyń bıik óneri. Aıtys – atadan balaǵa mıras bolǵan mura. Al aqyndarymyz halyqtyń muń-muqtajyn jyrlap, árkez elimizdiń senim údesinen shyǵyp keledi. Tól ónerimiz tórge oza bersin», – dedi vıe-mınıstr.

Osylaısha, eki kúnge sozylǵan jyr alamanynda qazylar alqasynyń sheshimimen bas júldeni qyzylordalyq Meıirbek Sultanhan ıelendi. Oǵan «Altyn dombyra» jáne avtokólik tabystaldy.

Júldeli 1-oryn jáne «Aıtys aqtańgeri» ataǵy aqtóbelik Nurbol Jaýynbaevqa, 2-oryn jetisýlyq Aıym Asylbekqyzyna buıyrdy. 3-oryndy qaraǵandylyq Dıdar Qamıev, pavlodarlyq Aspanbek Shuǵataev jáne ulytaýlyq  О́mirjan Kópbosyn ózara bólisti.

Sondaı-aq Batys Qazaqstan oblysynan kelgen Jansaıa Mýsınaǵa «Kórermen kózaıymy» júldesi men «Aıtys aqtańgeri» ataǵy berilip, temir tulpardyń kilti tabystaldy. Al arnaıy júldeni almatylyq Qaziret Berdihan jáne Shuǵaıyp Sezimhan, shymkenttik Birjan Baıtýov, astanalyq Ásem Erejeqyzy ıelendi.