جاڭالىقتار
مەيىرىم مەكەنى
«مەدبيكەنىڭ ەرەكشە فۋنكتسياسى – ناۋقاسقا نەمەسە
ساۋ ادامعا دەنساۋلىقتى ساقتاۋعا نەمەسە قالپىنا
كەلتىرۋگە كومەكتەسەتىن ءىس-شارالاردى جۇرگىزۋگە
كومەكتەسۋ, ەگەر ول ءۇشىن قاجەتتى كۇش, ەرىك-جىگەرمەن
ءبىلىم بولسا, ءوزىن-ءوزى قامتاماسىز ەتە الادى»
ۆيردجينيا حەندەرسون
مەيىرىم مەكەنى ءار ادامعا ءار ءتۇرلى ەلەستەيدى. ءار ادام قينالعان ساتىندە مەيىرىم, پانا ىزدەيتىنى بەلگىلى. ءتانى مەن جانى اۋىرىپ, ەمحاناعا كەلگەن ادامنىڭ كوپ جاعدايدا مەيىرىم مەكەنى -مەدبيكە بولاتىنى ءسوزسىز. مەدبيكە جاي ماماندىق ەمەس, ۇلكەن ومىرلىك تاجىريبەنى, ۇستامدى مىنەز بەن جىگەردى ۇشتاستىرعان ۇلى ءىس. مەدبيكەلىك ماماندىقتىڭ ءتۇپ تامىرى ادامگەرشىلىكتىڭ التىن قازىعىنا قاعىلعانداي كورىنەدى ماعان. سەبەبى ءار ءتۇرلى تاعدىر, سان الۋان اۋرۋ, دىڭكەلەتكەن دەرتپەن الىسقان ادامعا قاجىرلى قايراتىڭدى تانىتىپ, ومىرگە شىڭداۋ مەدبيكەلەردىڭ ەشكىم مىندەتتەمەگەن, ەشقانداي زاڭدا كورسەتىلمەگەن, بىراق اتقارۋعا ءتيىس جۇمىسى. مەن ءوز ماماندىعىمدى, ءومىرىمدى جاقسى كورەمىن. سەبەبى مەن مەدبيكەمىن.
وزىمە توقتالايىن. 1989 جىلى 12 قاڭتاردا الماتى وبلىسى جامبىل اۋدانى قارعالى اۋىلىندا دۇنيەگە كەلىپ, وسكەمەندە وسكەن, جامبىل وبلىسىنا كەلىن بولىپ سىڭگەن قازاقتىڭ قارا قىزىمىن. 1996 جىلى 1-سىنىپقا وقۋعا باردىم. 2007 جىلى وسكەمەن قالاسىنداعى جامبىل اتىنداعى مەكتەپ -گيمنازياسىن اياقتادىم. 2007 جىلى وسكەمەن مەديتسينالىق كوللەدجىنە «ەم-دوم ءىسى» ماماندىعىنا وقۋعا ءتۇسىپ, 2010 جىلى «ۇزدىك» اياقتادىم. 2010 جىلى №1 بۋلاتوۆ اتىنداعى بالالار ەمحاناسىندا, «انا مەن بالا» ورتالىعىندا قىزمەت اتقاردىم. 2012 جىلى تۇرمىسقا شىعىپ, سول جىلى استانا قالاسىنداعى №2 قالالىق بالالار اۋرۋحاناسىندا, جانساقتاۋ بولىمىندە مەدبيكە بولىپ قىزمەت اتقاردىم. 2015 جىلدان باستاپ تاراز قالالىق ەمحاناسىندا جانساقتاۋ بولىمىندە, كەيىننەن قابىلداۋ بولىمىندە قىزمەت اتقارۋدامىن.
بار ءومىرىم وتباسىم مەن جۇمىسىما ارنالۋدا. 3 ۇلىم, 1 قىزىم بار. وتباسىم دا مەنىڭ جۇمىسىما اسقان قۇرمەتپەن قارايدى. ال جۇمىسىمدا جەمىستى تاجىريبە قالىپتاسقان. سونىڭ ءبىر ايعاعى 2016 جىلى وبلىستىق «ۇزدىك مەدبيكە» بايقاۋىنان 2-ورىن, 2023 جىلى وبلىستىق «ۇزدىك مەدبيكە» بايقاۋىنان 3-ورىن يەلەندىم. مەيىرىمنىڭ مەكەنى, مارتەبەلى ماماندىق مەدبيكەلىك جۇمىستا ارىپتەستەرىمە تولاعاي تابىستار مەن بيىك شىڭدار, ادالدىق پەن ادامگەرشىلىك تىلەيمىن.
