Jańalyqtar
Meıirim mekeni
«Medbıkeniń erekshe fýnkııasy – naýqasqa nemese
saý adamǵa densaýlyqty saqtaýǵa nemese qalpyna
keltirýge kómektesetin is-sharalardy júrgizýge
kómektesý, eger ol úshin qajetti kúsh, erik-jigermen
bilim bolsa, ózin-ózi qamtamasyz ete alady»
Vırdjınııa Henderson
Meıirim mekeni ár adamǵa ár túrli elesteıdi. Ár adam qınalǵan sátinde meıirim, pana izdeıtini belgili. Táni men jany aýyryp, emhanaǵa kelgen adamnyń kóp jaǵdaıda meıirim mekeni -medbıke bolatyny sózsiz. Medbıke jaı mamandyq emes, úlken ómirlik tájirıbeni, ustamdy minez ben jigerdi ushtastyrǵan uly is. Medbıkelik mamandyqtyń túp tamyry adamgershiliktiń altyn qazyǵyna qaǵylǵandaı kórinedi maǵan. Sebebi ár túrli taǵdyr, san alýan aýrý, dińkeletken dertpen alysqan adamǵa qajyrly qaıratyńdy tanytyp, ómirge shyńdaý medbıkelerdiń eshkim mindettemegen, eshqandaı zańda kórsetilmegen, biraq atqarýǵa tıis jumysy. Men óz mamandyǵymdy, ómirimdi jaqsy kóremin. Sebebi men medbıkemin.
О́zime toqtalaıyn. 1989 jyly 12 qańtarda Almaty oblysy Jambyl aýdany Qarǵaly aýylynda dúnıege kelip, О́skemende ósken, Jambyl oblysyna kelin bolyp sińgen qazaqtyń qara qyzymyn. 1996 jyly 1-synypqa oqýǵa bardym. 2007 jyly О́skemen qalasyndaǵy Jambyl atyndaǵy mektep -gımnazııasyn aıaqtadym. 2007 jyly О́skemen medıınalyq kolledjine «Em-dom isi» mamandyǵyna oqýǵa túsip, 2010 jyly «úzdik» aıaqtadym. 2010 jyly №1 Býlatov atyndaǵy balalar emhanasynda, «Ana men bala» ortalyǵynda qyzmet atqardym. 2012 jyly turmysqa shyǵyp, sol jyly Astana qalasyndaǵy №2 qalalyq balalar aýrýhanasynda, jansaqtaý bóliminde medbıke bolyp qyzmet atqardym. 2015 jyldan bastap Taraz qalalyq emhanasynda jansaqtaý bóliminde, keıinnen qabyldaý bóliminde qyzmet atqarýdamyn.
Bar ómirim otbasym men jumysyma arnalýda. 3 ulym, 1 qyzym bar. Otbasym da meniń jumysyma asqan qurmetpen qaraıdy. Al jumysymda jemisti tájirıbe qalyptasqan. Sonyń bir aıǵaǵy 2016 jyly oblystyq «Úzdik medbıke» baıqaýynan 2-oryn, 2023 jyly oblystyq «Úzdik medbıke» baıqaýynan 3-oryn ıelendim. Meıirimniń mekeni, mártebeli mamandyq medbıkelik jumysta áriptesterime tolaǵaı tabystar men bıik shyńdar, adaldyq pen adamgershilik tileımin.
