«مەككەدە قۇلشىلىق قىلىپ, كەيىن ءىش كيىممەن جۇرەسىڭدەر». بايان ماقساتقىزى «حيدجاب» جايلى ايتقان ۇلانعاسىر قاميگە شۇيلىكتى

فوتو: اشىق دەرەككوز

بەلگىلى پروديۋسەر بايان ماقساتقىزى «حيدجاب كيمەگەنى ءۇشىن ايەلدەرىن ۇرىپ-سوعادى» دەگەن پىكىر ايتقان ءانشى ۇلانعاسىر قاميگە شۇيلىگىپ, ەسكەرتۋ جاسادى. «قۇداي, يمان دەگەندەر اركىمنىڭ جۇرەگىندە بولاتىنىن» ايتىپ, دىنگە قاتىستى كوزقاراستى ناسيحاتتاماۋعا شاقىردى, دەپ حابارلايدى Alash.KZ ۇلتتىق پورتالى تurkystan.kz پورتالىنا سىلتەپ.

«حالىق الدىندا جۇرگەن ادام ءار ءسوزىن ابايلاپ ايتۋى كەرەك. دىنگە قاتىستى كوزقاراستارىڭدى وزدەرىڭە قالدىرىڭدار. قۇداي, يمان دەگەندەر اركىمنىڭ جۇرەگىندە بولادى. سەندەردىڭ سوزدەرىڭدە, كيىمدەرىڭدە ەمەس. مەككەگە بارىپ, قۇلشىلىق جاساپ فوتو سالاسىڭدار. كەيىن ءىش كيىممەن جۇرگەندەرىڭدى كورسەتەسىڭدەر. مۇنداي وقيعا ءبىرىنشى رەت بولىپ تۇرعان جوق», – دەپ جازدى پروديۋسەر.

ەستەرىڭىزدە بولسا, ۇلانعاسىر قامي الەۋمەتتىك جەلى پاراقشاسىندا: «كۇيەۋى ايەلىن ءولتىرىپ قويدى دەگەننىڭ ءبارى حيدجاب كيمەگەننەن باستالادى», – دەگەن وداعاي وي ايتقان. كەيىن ءانشى جۇرتتىڭ سىنىنا قالدى. كەيىن قوعام بەلسەندىسى ءانشىنىڭ ۇستىنەن ارىز ءتۇسىردى.

الايدا ءىىم ۇلانعاسىر قاميگە قاتىستى شەشىم شىعارىپ, سوزدەرىندە قىلمىستىق قۇرام جوق ەكەنىن مالىمدەگەن ەدى.