«Mekkede qulshylyq qylyp, keıin ish kıimmen júresińder». Baıan Maqsatqyzy «hıdjab» jaıly aıtqan Ulanǵasyr Qamıge shúılikti

Foto: ashyq derekkóz

Belgili prodıýser Baıan Maqsatqyzy «Hıdjab kımegeni úshin áıelderin uryp-soǵady» degen pikir aıtqan ánshi Ulanǵasyr Qamıge shúıligip, eskertý jasady. «Qudaı, ıman degender árkimniń júreginde bolatynyn» aıtyp, dinge qatysty kózqarasty nasıhattamaýǵa shaqyrdy, dep habarlaıdy Alash.KZ ulttyq portaly Turkystan.kz portalyna siltep.

«Halyq aldynda júrgen adam ár sózin abaılap aıtýy kerek. Dinge qatysty kózqarastaryńdy ózderińe qaldyryńdar. Qudaı, ıman degender árkimniń júreginde bolady. Senderdiń sózderińde, kıimderińde emes. Mekkege baryp, qulshylyq jasap foto salasyńdar. Keıin ish kıimmen júrgenderińdi kórsetesińder. Mundaı oqıǵa birinshi ret bolyp turǵan joq», – dep jazdy prodıýser.

Esterińizde bolsa, Ulanǵasyr Qamı áleýmettik jeli paraqshasynda: «Kúıeýi áıelin óltirip qoıdy degenniń bári hıdjab kımegennen bastalady», – degen odaǵaı oı aıtqan. Keıin ánshi jurttyń synyna qaldy. Keıin qoǵam belsendisi ánshiniń ústinen aryz túsirdi.

Alaıda IIM Ulanǵasyr Qamıge qatysty sheshim shyǵaryp, sózderinde qylmystyq quram joq ekenin málimdegen edi.