«Mekkege baramyn dep jınadym»: Pavlodarda qarttar úıinde turatyn aqsaqal jıǵan-tergenin múgedek balalarǵa berdi

Pavlodarlyq 93 jastaǵy qarııa 10 jyl jınaǵan aqshasyn qaıyrymdylyqqa berdi, dep habarlaıdy Qandastar.kz.

Aqsaqal Pavlodardaǵy qarttar úıinde turady. Saǵadat Jumabaev  3,6 mıllıon teńge qarajatty on jyl boıy jınap kelipti. Ol osy ýaqytqa deıin jınaǵan qarjysyn múgedektigi bar balalarǵa kómektesýge berdi.

Sózinshe, qarııa sonsha ýaqyt aqshany qajylyqqa barý úshin jınaǵan. Keıingi ýaqytta densaýlyǵy jıi syr berýine ári jasynyń úlkendigine baılanysty uzaq sapardan bas tartýyna týra kelgen.

«Mekkege baramyn dep uzaq jyldar zeınetaqymnan jyryp, aqsha jınadym. 2022 jyly shetelge shyǵý úshin tólqujat aldym. О́kinishke qaraı, sol jyly qajylyqqa baratyndardyń jasy 65-ten aspaýy kerek degen talap qoıylyp, meni týroperatorlar almady. Odan soń densaýlyǵym syr berip, júrip-turýym aýyrlaı bastaǵanyn sezdim. Onyń ústine tanys adamdar ol jaqqa barý úshin janyma adam ertip júrýim keregin aıtty. Aqyr-sońy qasıetti sapardan bas tartýyma týra keldi», – dedi Saǵadat Jumabaev.