الەۋمەت جانە قوعام
مەككەگە باراتىندار ۆاكتسينا الۋى قاجەت
فوتو: اشىق دەرەككوز
2025 جىلعى 10 اقپاننان باستاپ ساۋد ارابياسى بارلىق شەتەلدىككە, سونىڭ ىشىندە قاجىلىققا بارعىسى كەلەتىن قازاقستاندىقتارعا مەنينگوكوكك ينفەكتسياسىنا قارسى مىندەتتى ۆاكتسيناتسيا ەنگىزىپ وتىر. جاڭا ەرەجەلەر ارنايى ۋمرا ۆيزاسىنىڭ يەلەرىنە دە, ۆيزانىڭ باسقا تۇرلەرىنە يە تۋريستەرگە دە قاتىستى, دەپ جازدى qandastar.kz
جاڭا تالاپتارعا سايكەس قاجىلاردا مىنا ۆاكتسيناتسيا سەرتيفيكاتتارىنىڭ ءبىرى بولۋى كەرەك:
- كەيىنگى ءۇش جىلدا جانە كەلگەنگە دەيىن كەمىندە 10 كۇن بۇرىن جاسالعان ءتورت ۆالەنتتى (ACYW-135) پوليساحاريد ۆاكتسيناسى;
- كەيىنگى بەس جىل ىشىندە نەمەسە كەلگەنگە دەيىن كەمىندە 10 كۇن بۇرىن الىنعان ءتورت ۆالەنتتى (ACYW-135) كونيۋگاتسيالانعان ۆاكتسينا.
- جەكە مەديتسينالىق ورتالىقتاردا ۆاكتسيناتسياعا الدىن الا جازىلۋ ۇسىنىلادى.
- سەرتيفيكات ساۋد ارابياسىنىڭ تالاپتارىنا سايكەس كەلەتىنىنە كوز جەتكىزىڭىز (ACYW-135 ۆاكتسيناسى بولۋى قاجەت جانە مەرزىمدەردى ساقتاۋ كەرەك).
- قوسىمشا اقپارات الۋ ءۇشىن ساۋد ارابياسىنىڭ دەنساۋلىق ساقتاۋ مينيسترلىگىنىڭ سايتىن قاراۋعا بولادى.
ايتا كەتەيىك, مەنينگوكوكك ينفەكتسياسى — قاۋىپتى اۋرۋ, ول اۋا تامشىلارى ارقىلى تارالادى جانە مۇگەدەكتىككە دەيىنگى اۋىر اسقىنۋعا اكەپ سوعادى. قاجىلىق كەزىندە كوپ ادام جينالعان ۋاقىتتا ينفەكتسيا قاۋپى ەداۋىر ارتادى.
