Mektep ájethanasyndaǵy beınekamera ata-analardyń narazylyǵyn týdyrdy

foto: t.me/guwonline

Atyraý oblysynyń Qyzylqoǵa aýdanyndaǵy mektep dárethanasyna qoıylǵan beınebaqylaý kamerasy ata-analardyń narazylyǵyn týdyrdy, dep habarlaıdy Qandastar.kz.

Beınekamera mekteptiń erler dárethanasyna ornatylǵan. Mektep dırektory bul másele boıynsha túsinik berip, aqparatty rastady.

Mektep dárethanasynda birneshe ret materıaldyq shyǵyn keltirilip, usaq buzaqylyqtyń bolýyna baılanysty qoljýǵyshtardy túsiretin beınekamera ornatý qajet boldy. Alaıda oqýshylardyń quqyǵy buzylǵan joq. Kamerany ornatý týraly sheshim mektep ákimshiligi men qamqorshylyq keńesiniń basshysymen birlese qabyldanǵan. Bul shara tek tártipti saqtaý jáne odan ári zań buzýshylyqtardyń aldyn alý úshin qabyldandy. Jazbalardy men ǵana kóre alamyn, – dedi mektep dırektory Táttigúl Qalıeva.

Jaǵdaıǵa qatysty Atyraý oblystyq bilim basqarmasy da málimdeme jasady. Basqarma kameranyń alynatynyn jáne tekserý úshin komıssııa qurylǵanyn atap ótti.

Qazir Atyraý oblysynyń bilim basqarmasy kamerany alyp tastaý týraly sheshim qabyldady. Basqarmada atalǵan faktini zertteıtin komıssııa quryldy. Nátıjesi qosymsha habarlanady, – delingen Atyraý oblystyq bilim basqarmasynyń habarlamasynda.