ءبىلىم
مەكتەپ بۋحگالتەرلەرى بىرلەسىپ, 10 ملن تەڭگە جىمقىرعان
فوتو: اشىق دەرەككوز
استانا قالاسىنىڭ قىلمىستىق ىستەر جونىندەگى اۋدانارالىق سوتىندا ادامدار توبىنىڭ الدىن الا ءسوز بايلاسۋىمەن, ءوزىنىڭ قىزمەت بابىن پايدالانا وتىرىپ اسا ءىرى مولشەردە سەنiپ تاپسىرىلعان بوتەن مۇلiكتi يەمدەنۋ (قك 189-بابى 3-بولىگىنىڭ 1) تارماعى) فاكتىسى بويىنشا ج. مەن ا.-عا قاتىستى ايىپتاۋ ۇكىمى شىعارىلدى, – دەپ جازادى qandastar.kz
ج., مەكتەپتىڭ باس بۋحگالتەرى جانە ا., سول مەكتەپتىڭ بۋحگالتەرى بولا تۇرا, وزدەرىنىڭ قىزمەتتىك جاعدايىن پايدالانا وتىرىپ, الدىن الا ءسوز بايلاسۋ ارقىلى, 2021 جىلعى قاڭتار مەن 2023 جىلعى ءساۋىر ارالىعىندا وزدەرىنىڭ بانكتىك شوتتارىنا جالاقى تۇرىندە اقشالاي قاراجاتتى زاڭسىز اۋدارعان.
ولاردىڭ ارەكەتتەرىنىڭ ناتيجەسىندە مەكتەپكە 10 ملن تەڭگەدەن استام مولشەردە م ۇلىكتىك زالال كەلتىرىلگەن.
زالال تولىعىمەن وتەلدى. سوتتالۋشىلاردىڭ كىناسى سوتتالۋشىلاردىڭ, كۋاگەرلەردىڭ ايعاقتارىمەن, اۋديتورلىق تەكسەرۋ مەن ساراپتامانىڭ قورىتىندىلارىمەن, سونداي-اق اقشا قاراجاتىن الۋ فاكتىسىن راستايتىن بانكتىك دەرەكتەرمەن دالەلدەندى.
پروكۋرور سوتتالۋشىلاردىڭ ارقايسىسىنا 3 جىل مەرزىمگە باس بوستاندىعىن شەكتەۋ تۇرىندەگى جازا تاعايىنداۋدى سۇرادى.
سوتتالۋشىلار مەن ولاردىڭ قورعاۋشىلارى باس بوستاندىعىن شەكتەۋ تۇرىندە ەڭ تومەنگى شەكتەن تومەن جازا تاعايىنداۋدى سۇرادى.
جابىرلەنۋشى تاراپتىڭ وكىلى جازا تۋرالى شەشىمدى سوتتىڭ قاراۋىنا قالدىرۋدى سۇرادى.
قك 189-بابى 3-بولىگىنىڭ 1) تارماقشاسىنىڭ سانكتسياسى مۇلكi تاركiلەنىپ, بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان 6 جىلعا دەيiنگi مەرزiمگە ايىرا وتىرىپ نەمەسە ونسىز, 2 جىلدان 7 جىلعا دەيىنگى مەرزiمگە باس بوستاندىعىن شەكتەۋ نە ايىرۋ جازاسىن كوزدەيدى.
سوت م ۇلىكتىك زالالدى ەرىكتى تۇردە وتەۋدى, شىن جۇرەكتەن وكىنۋدى, ا.-نىڭ زەينەتكەرلىك جاستا جانە ناۋقاس بولۋىن, سونداي-اق ج.-نىڭ كامەلەتكە تولماعان بالاسىنىڭ بولۋىن جاۋاپكەرشىلىك پەن جازانى جەڭىلدەتەتىن ءمان-جايلار دەپ تانىدى.
اۋىرلاتاتىن ءمان-جايلار انىقتالعان جوق.
سوت ۇكىمىمەن سوتتالۋشىلار قك 189-بابى 3-بولىگىنىڭ 1) تارماعى بويىنشا كىنالى دەپ تانىلىپ, ماتەريالدىق جاۋاپكەرشىلىككە بايلانىستى لاۋازىمداردى اتقارۋ قۇقىعىنان 6 جىل مەرزىمگە ايىرىلا وتىرىپ, 3 جىلعا باس بوستاندىعىن شەكتەۋگە سوتتالدى. ۇكىم زاڭدى كۇشىنە ەنگەن جوق.
