Mektep býhgalterleri birlesip, 10 mln teńge jymqyrǵan

Foto: ashyq derekkóz

Astana qalasynyń qylmystyq ister jónindegi aýdanaralyq sotynda adamdar tobynyń aldyn ala sóz baılasýymen, óziniń qyzmet babyn paıdalana otyryp asa iri mólsherde senip tapsyrylǵan bóten múlikti ıemdený (QK 189-baby 3-bóliginiń 1) tarmaǵy) faktisi boıynsha J. men A.-ǵa qatysty aıyptaý úkimi shyǵaryldy, – dep jazady qandastar.kz

J., mekteptiń bas býhgalteri jáne A., sol mekteptiń býhgalteri bola tura, ózderiniń qyzmettik jaǵdaıyn paıdalana otyryp, aldyn ala sóz baılasý arqyly, 2021 jylǵy qańtar men 2023 jylǵy sáýir aralyǵynda ózderiniń banktik shottaryna jalaqy túrinde aqshalaı qarajatty zańsyz aýdarǵan.
Olardyń áreketteriniń nátıjesinde mektepke 10 mln teńgeden astam mólsherde múliktik zalal keltirilgen.

Zalal tolyǵymen óteldi.  Sottalýshylardyń kinási sottalýshylardyń, kýágerlerdiń aıǵaqtarymen, aýdıtorlyq tekserý men saraptamanyń qorytyndylarymen, sondaı-aq aqsha qarajatyn alý faktisin rastaıtyn banktik derektermen dáleldendi.

Prokýror sottalýshylardyń árqaısysyna 3 jyl merzimge bas bostandyǵyn shekteý túrindegi jaza taǵaıyndaýdy surady.

Sottalýshylar men olardyń qorǵaýshylary bas bostandyǵyn shekteý túrinde eń tómengi shekten tómen jaza taǵaıyndaýdy surady.

Jábirlenýshi taraptyń ókili jaza týraly sheshimdi sottyń qaraýyna qaldyrýdy surady.
QK 189-baby 3-bóliginiń 1) tarmaqshasynyń sankııasy múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan 6 jylǵa deıingi merzimge aıyra otyryp nemese onsyz, 2 jyldan 7 jylǵa deıingi merzimge bas bostandyǵyn shekteý ne aıyrý jazasyn kózdeıdi.
Sot múliktik zalaldy erikti túrde óteýdi, shyn júrekten ókinýdi, A.-nyń zeınetkerlik jasta jáne naýqas bolýyn, sondaı-aq J.-nyń kámeletke tolmaǵan balasynyń bolýyn jaýapkershilik pen jazany jeńildetetin mán-jaılar dep tanydy.

Aýyrlatatyn mán-jaılar anyqtalǵan joq.

Sot úkimimen sottalýshylar QK 189-baby 3-bóliginiń 1) tarmaǵy boıynsha kináli dep tanylyp, materıaldyq jaýapkershilikke baılanysty laýazymdardy atqarý quqyǵynan 6 jyl merzimge aıyryla otyryp, 3 jylǵa bas bostandyǵyn shekteýge sottaldy. Úkim zańdy kúshine engen joq.