ءبىلىم
مەكتەپ ديرەكتورلارى بيۋدجەت قارجىسىن بۋكمەكەرگە جۇمساعان
فوتو: اشىق دەرەككوز
اقتوبە وبلىستىق پروكۋراتۋراسى ميلليونداعان بيۋدجەت قارجىسىن جىمقىرعان سپورت مەكتەبىنىڭ ەكى ديرەكتورىنا قاتىستى قىلمىستىق ءىستى سوتقا جولدادى, دەپ جازدى qandastar.kz
پروكۋراتۋرانىڭ مالىمەتىنشە, ەكى بالالار مەن جاسوسپىرىمدەر سپورت مەكتەبىنىڭ ديرەكتورلارى سپورت الاڭدارى مەن زالدارىن جالعا بەرۋ قىزمەتتەرى ءۇشىن الىنعان بيۋدجەتكە تيەسىلى قاراجاتتى نەگىزسىز يەمدەنگەن.
ولار 12 ملن تەڭگەدەن استام بيۋدجەت قاراجاتىن جەكە قاجەتتىلىكتەرىنە, سونىڭ ىشىندە بۋكمەكەرلىك كەڭسەلەردە جۇمساعان. اتالعان فاكتىلەر بويىنشا پروكۋراتۋرا 2 قىلمىستىق ءىستى تىركەدى. تەرگەۋدى وبلىستىق ەكونوميكالىق تەرگەۋ دەپارتامەنتى جۇرگىزدى.
10 قاڭتاردا تەرگەۋ اياقتالىپ, قىلمىستىق ءىس (ىستەر بىرىكتىرىلدى) ءمانى بويىنشا سوتقا جولداندى.
