Mektep dırektorlary men muǵalimderin jumysqa qabyldaý erejesi ózgerdi

Foto: ashyq derekkóz

Oqý-aǵartý mınıstri men Eńbek jáne halyqty áleýmettik qorǵaý mınıstriniń 2024 jylǵy 24 jeltoqsandaǵy birlesken buıryǵymen memlekettik bilim berý uıymdarynyń basshylary men pedagogterin taǵaıyndaý jáne qyzmetten bosatý erejeleriniń jańa redakııasy bekitildi, dep jazdy qandastar.kz

Zakon.kz habarlaýynsha, erejege sáıkes, memlekettik bilim berý uıymynyń birinshi basshysyn taǵaıyndaý nemese qyzmetke qabyldaý jumys berýshiniń sheshimimen Eńbek kodeksiniń 139-babynyń 1-tarmaǵy negizinde taǵaıyndaý nemese konkýrs arqyly júzege asyrylady.

Birinshi basshyny taǵaıyndaý tártibi

Memlekettik bilim berý uıymynyń birinshi basshysyn jumysqa qabyldaý eńbek shartyn jasasý jáne jumys berýshiniń aktisin shyǵarý arqyly júzege asady. Eger qabyldaý konkýrs arqyly júrgizilse, oǵan negiz konkýrs komıssııasynyń oń qorytyndysy.

Mektep dırektory laýazymyna úmitker kelesi qujattardy usynýy qajet:

• Eńbek kodeksiniń 32-babynyń 1-tarmaǵynda kózdelgen qujattar;

• Belgili bir vakantty laýazymǵa qoıylatyn biliktilik talaptaryna sáıkestigin rastaıtyn qujattar.

Konkýrs kezeńderi:

1. Memlekettik organnyń resmı ınternet-resýrsy nemese áleýmettik jelidegi akkaýntynda konkýrs týraly habarlandyrý jarııalaý;

2. Konkýrsqa qatysý úshin úmitkerlerden qujattardy qabyldaý;

3. Qujattardy biliktilik talaptaryna sáıkestigin tekserý;

4. Konkýrs komıssııasynyń úmitkerlermen suhbat júrgizýi.

Qatysý úshin qajetti qujattar:

• Jeke kýálik nemese ıfrlyq qujattar servısinen elektrondyq qujat;

• Kadr esebi boıynsha jeke paraq jáne fotosýret;

• Memlekettik úlgidegi bilim týraly qujat kóshirmesi;

• Eńbek qyzmetin rastaıtyn qujat kóshirmesi;

• Densaýlyq jaǵdaıy týraly 075/ý úlgisindegi anyqtama;

• Psıhıkalyq jáne narkologııalyq esepte turmaýy týraly anyqtama;

• Sertıfıkattaý týraly kýálik;

• KazTest sertıfıkaty (B1 deńgeıinen tómen emes);

• Bilim berý uıymyn damytýdyń perspektıvalyq jospary;

• Túıindeme;

• Biliktilik sanatyn berý nemese rastaý kýáligi.

Sertıfıkattaý talaptary:

Úmitkerlerdi sertıfıkattaý bilim salasyndaǵy Ýákiletti organ anyqtaıtyn uıym arqyly aqyly túrde júrgiziledi. Sertıfıkattaý elektrondy formatta ótedi jáne 180 mınýt ishinde Qazaqstan Respýblıkasynyń bilim berý salasyndaǵy zańnamasy boıynsha 48 test suraǵyna jaýap berý qajet. О́tý deńgeıi – 50%. Sertıfıkattyń jaramdylyq merzimi – 1 jyl.

Konkýrs nátıjesi boıynsha birinshi basshy 5 jyl merzimge taǵaıyndalady.

Muǵalimderdi qabyldaý tártibi

Pedagogtardy jumysqa qabyldaý “Ulttyq derekter qory” aqparattyq júıesindegi “Pedagogtardy jumysqa qabyldaý” modýli arqyly júzege asyrylady. Eger mundaı júıe bolmasa, qujattar qaǵaz júzinde qabyldanady.

Konkýrsqa qatysý úshin talap etiletin qujattar:

• Konkýrsqa qatysýǵa ótinish;

• Jeke kýálik nemese elektrondyq qujat;

• Kadr esebi boıynsha jeke paraq;

• Bilim týraly qujat kóshirmesi;

• Eńbek qyzmetin rastaıtyn qujat kóshirmesi (bar bolsa);

• Densaýlyq týraly 075/ý úlgisindegi anyqtama;

• Psıhıkalyq jáne narkologııalyq esepte turmaýy týraly anyqtama;

• Sertıfıkat nemese biliktilik sanaty týraly kýálik;

• Aǵylshyn tili muǵalimderi úshin qosymsha sertıfıkattar (IELTS, TOEFL nemese CELTA);

• Baǵalaý paraǵy;

• Usynym hat.

Konkýrsty uıymdastyrý kezeńderi:

1. Konkýrs týraly habarlandyrý jarııalaý;

2. Konkýrs komıssııasyn qurý jáne kúnin belgileý;

3. Qujattardy qabyldaý jáne qaraý;

4. Úmitkerlerdi baǵalaý jáne suhbat ótkizý.

Bul erejeler 2025 jylǵy 7 qańtardan bastap kúshine enedi.