Mektep muǵalimi sýııd jasamaq boldy: mınıstrlik málimdemesi

Foto: ashyq derekkóz

Qazir jan-jaqty tergeý júrip jatyr, dep jazdy qandastar.kz

Oqý-aǵartý mınıstrliginiń Bilim sapasyn qamtamasyz etý komıteti Atyraýdaǵy S.Zımanov atyndaǵy №37 mektep muǵaliminiń sýııd jasaý áreketine qatysty pikir bildirdi.

 

Azattyq Ryhy saıtynyń málimetinshe, oqıǵanyń mán-jaıyn zerdeleý úshin arnaıy komıssııa qurylyp, onyń quramyna qalalyq basqarmanyń, Atyraý oblysy ákimdiginiń bilim basqarmasynyń jáne bilim berý salasyndaǵy sapany qamtamasyz etý aýmaqtyq basqarmasynyń ókilderi kirdi.

«Jaǵdaı Bilim berý sapasyn qamtamasyz etý komıtetiniń baqylaýynda. Qazir jan-jaqty tergeý júrip jatyr. Mınıstrliktiń aýmaqtyq departamenti pedagogıkalyq ádep máseleleri boıynsha jospardan tys óńirlik keńes uıymdastyrýda, onyń qorytyndysy boıynsha tıisti sharalar qabyldanady», – dep habarlady vedomstvo.

Muǵalimniń jaǵdaıy turaqty, densaýlyǵy jaqsy dep baǵalanyp otyr. Oǵan qajetti psıhologııalyq kómek kórsetiledi.

Mınıstrlik «Pedagog mártebesi týraly» zań buzýshylyqtar anyqtalǵan jaǵdaıda azamattar aýmaqtyq departamentterge nemese QR Oqý-aǵartý mınıstrliginiń Sapany qamtamasyz etý komıtetine myna telefon arqyly habarlasa alatynyn eske salady: +7 (7172) 74-23-92.

Aıta keteıik, Atyraýda №37 mekteptiń muǵalimi óz-ózine qol jumsamaq bolǵan. Aldyn ala málimet boıynsha, buǵan muǵalimge qysym kórsetý sebep bolýy múmkin.