Mektep oqýlyǵynan býkmekerlik keńseniń jarnamasy anyqtaldy

Foto: ashyq derekkóz

«Qazaq tili» oqýlyǵyndaǵy silteme arqyly aqyn Qalqaman Sarınniń avtorlyq saıtyna ótemiz degen 5-synyp oqýshylary býkmekerlik saıtqa tap boldy, dep habarlaıdy qandastar.kz

5-synyp oqýshylarynyń ata-analary qazaq tili oqýlyǵyndaǵy siltemeniń bilim berý resýrsyna emes, býkmekerlik keńseniń saıtyna aparatynyn anyqtady.

«Kimge júginý kerektigin bilmeımin. Bir apta buryn memlekettik portalǵa shaǵym qaldyrdym, biraq áli jaýap joq. Qazaq tili oqýlyǵyndaǵy tapsyrmaǵa berilgen silteme býkmekerlik keńseniń saıtyna baǵyttalady», – deıdi ata-ana

Oqıǵanyń mán-jaıyn anyqtaý úshin saıt ıesi, aqyn Qalqaman Sarınge júgindik. Onyń aıtýynsha, bul jaǵdaı týraly birneshe kún buryn estigen.

«Birneshe kún buryn maǵan «Kókjıek» baspasynan jáne Bilim mınıstrliginiń ókilderi habarlasyp, jaǵdaıdy aıtty. Saıt meniń atymda bolǵanymen, ony 2011 jyly jasaǵan ári júrgizetin – Tımýr Bektur. Tıisti organdar men mamandarǵa júginip, saıtqa kıbershabýyl jasalǵanyn anyqtadyq. Qazir saıt qalypty jumys istep tur», – dep jaýap berdi aqyn.