مەكتەپ وقۋشىسى اتا-اناسىنان كولىك ۇرلاپ, قىزدارمەن قىدىرىپ, اقىرى جويقىن جول اپاتىنا ءتۇستى

ماڭعىستاۋ وبلىسىندا جول اپاتىنان بەس ءجاسوسپىرىم زارداپ شەكتى, دەپ حابارلايدى qandastar.kz سايتى. 

كتك تەلەكانالىنىڭ مالىمەتىنە سۇيەنسەك, كولىكتى تىزگىندەگەن ءجاسوسپىرىمنىڭ اتا-اناسى باسقا قالاعا شيپاجايعا كەتكەن.

ۇيدەگى ۇلكەندەردىڭ جوق ەكەنىن پايدالانعان ول, كولىگىمەن قىزداردى قىدىرتپاق بولعان. الايدا ارتى قايعىلى جاعدايعا ۇلاسىپ, وقۋشىلار مىنگەن كولىك اپاتقا تۇسكەن. ءبارى ءبىر اجالدان امان قالدى.

اتالمىش وقيعاعا قاتىستى قىلمىستىق ءىس قوزعالىپ, تەرگەۋ جۇرگىزىلىپ جاتىر. ال جانساقتاۋ بولىمىندە جاتقان 16 جاستاعى قىزدىڭ بىرنەشە جەرى سىنىپ, ميىنا زاقىم كەلگەن. جاعدايى وتە اۋىر, دەيدى دارىگەرلەر.

«2010 جىلى تۋعان قىزدار تراۆماتولوگيا بولىمشەسىندە جاتىر. ولاردىڭ جەلكەسى, يىعى سىنعان. ودان بولەك, بەت, وڭ جاق تىزە بۋىندارى بىرنەشە جەردەن سىنعان. قازىر دارىگەرلەردىڭ باقىلاۋىندا. جالپى, ناۋقاستار ەسىن بىلەدى», — دەيدى ماڭعىستاۋ وبلىسى دەنساۋلىق ساقتاۋ باسقارماسىنىڭ ءباسپاسوز حاتشىسى جۇلدىزاي قاليەۆا.