Mektep oqýshysy ata-anasynan kólik urlap, qyzdarmen qydyryp, aqyry joıqyn jol apatyna tústi

Mańǵystaý oblysynda jol apatynan bes jasóspirim zardap shekti, dep habarlaıdy qandastar.kz saıty. 

KTK telekanalynyń málimetine súıensek, kólikti tizgindegen jasóspirimniń ata-anasy basqa qalaǵa shıpajaıǵa ketken.

Úıdegi úlkenderdiń joq ekenin paıdalanǵan ol, kóligimen qyzdardy qydyrtpaq bolǵan. Alaıda arty qaıǵyly jaǵdaıǵa ulasyp, oqýshylar mingen kólik apatqa túsken. Bári bir ajaldan aman qaldy.

Atalmysh oqıǵaǵa qatysty qylmystyq is qozǵalyp, tergeý júrgizilip jatyr. Al jansaqtaý bóliminde jatqan 16 jastaǵy qyzdyń birneshe jeri synyp, mıyna zaqym kelgen. Jaǵdaıy óte aýyr, deıdi dárigerler.

«2010 jyly týǵan qyzdar travmatologııa bólimshesinde jatyr. Olardyń jelkesi, ıyǵy synǵan. Odan bólek, bet, oń jaq tize býyndary birneshe jerden synǵan. Qazir dárigerlerdiń baqylaýynda. Jalpy, naýqastar esin biledi», — deıdi Mańǵystaý oblysy densaýlyq saqtaý basqarmasynyń baspasóz hatshysy Juldyzaı Qalıeva.