ءبىلىم
مەكتەپتە اقشا جيناعاندار قانداي جازاعا تارتىلاتىنى بەلگىلى بولدى
فوتو: اشىق دەرەككوز
ءبىلىم بەرۋ سالاسىنداعى ساپانى قامتاماسىز ەتۋ كوميتەتى مەكتەپتەگى جەمقورلىقتىڭ الدىن الۋ تۋرالى ايتتى, دەپ حابارلايدى دەپ حابارلايدى qandastar.kz Ulysmedia.kz-كە سىلتەمە جاساپ.
تىيىم
سىبايلاس جەمقورلىق تاۋەكەلدەرىنىڭ الدىن الۋ ماقساتىندا ءبىلىم بەرۋ ۇيىمدارىنىڭ ەكى مىڭنان استام باسشىلارىنىڭ, اۋماقتىق دەپارتامەنتتەر وكىلدەرىنىڭ قاتىسۋىمەن كەڭەس ءوتتى.
قاتىسۋشىلار سىبايلاس جەمقورلىققا قارسى ءىس-قيمىل, باقىلاۋ ءىس-شارالارىن ۇيىمداستىرۋ, ءوزىن-ءوزى باعالاۋ بويىنشا جان-جاقتى تۇسىنىكتەمەلەر الدى. ءبىلىم بەرۋ ۇيىمدارىنىڭ اۋماعىندا ءارتۇرلى سىلتاۋلارمەن زاڭسىز اقشا جيناۋدىڭ الدىن الۋ ماسەلەلەرىنە, سونداي-اق قر «پەداگوگ مارتەبەسى تۋرالى» زاڭى شەڭبەرىندە پەداگوگتەردىڭ كاسىبي قىزمەتىنە بايلانىستى بۇزۋشىلىقتارعا ەرەكشە نازار اۋدارىلدى.
ەسكە سالايىق, پەداگوگتەردى كاسىبي قىزمەتىنە سايكەس كەلمەيتىن جۇمىستارعا تارتۋعا, سونداي-اق ولارعا تاۋارلار مەن قىزمەتتەردى ساتىپ الۋ مىندەتىن جۇكتەۋگە تىيىم سالىنادى. وسى نورمالاردى بۇزۋ قولدانىستاعى زاڭناما شەڭبەرىندە جاۋاپتىلىققا الىپ كەلەدى.
«بەرۋ پروتسەسىنىڭ ءاربىر قاتىسۋشىسى سىبايلاس جەمقورلىقتىڭ الدىن الۋعا ىقپال ەتە وتىرىپ, ادالدىق پەن ادىلەتتىلىكتىڭ ۇلگىسىن كورسەتۋى ءتيىس. وسى قاعيداتتاردى مۇلتىكسىز ساقتاۋدىڭ ماڭىزدىلىعىنا نازار اۋدارامىز جانە پەداگوگتەردى, ءبىلىم بەرۋ ۇيىمدارىنىڭ باسشىلارىن سىبايلاس جەمقورلىق بۇزۋشىلىقتاردىڭ كەز كەلگەن جاعدايلارى تۋرالى حابارلاۋعا شاقىرامىز, – دەدى كوميتەت توراعاسى ەرنۇر داۋەنوۆ.
15 ملرد تەڭگە مەملەكەتكە قايتارىلدى
اقشا قاراجاتىن زاڭسىز جيناۋ فاكتىلەرى نەمەسە باسقا دا سىبايلاس جەمقورلىق كورىنىستەرى انىقتالعان كەزدە اۋماقتىق دەپارتامەنتتەرگە نەمەسە وقۋ-اعارتۋ مينيسترلىگىنىڭ ءبىلىم بەرۋ سالاسىنداعى ساپانى قامتاماسىز ەتۋ كوميتەتىنە +7 (7172) 74-23-92ءنومىرى بويىنشا دەرەۋ حابارلاۋ ۇسىنىلادى.
ەستەرىڭىزگە سالا كەتەيىك, ءبىلىم بەرۋگە بولىنگەن قاراجاتتى جىمقىرۋدىڭ جولىن كەسۋ ماقساتىندا وقۋ-اعارتۋ مينيسترلىگى سىبايلاس جەمقورلىققا قارسى ءىس-قيمىل اگەنتتىگىمەن بىرلەسىپ «جول كارتاسىن» ىسكە اسىرۋدا. ناتيجەسىندە مەملەكەت قازىناسىنا تيىسىنشە جۇمسالماعان 15 ميلليارد تەڭگە قايتارىلدى. ءبىلىم بەرۋ سالاسىنداعى سىبايلاس جەمقورلىققا قارسى شارالاردى كۇشەيتۋ جونىندەگى جۇمىس جالعاسىن تابادى.
