Mektepte aqsha jınaǵandar qandaı jazaǵa tartylatyny belgili boldy

Foto: ashyq derekkóz

Bilim berý salasyndaǵy sapany qamtamasyz etý komıteti mekteptegi jemqorlyqtyń aldyn alý týraly aıtty, dep habarlaıdy dep habarlaıdy qandastar.kz Ulysmedia.kz-ke silteme jasap.

TYIYM

Sybaılas jemqorlyq táýekelderiniń aldyn alý maqsatynda bilim berý uıymdarynyń eki myńnan astam basshylarynyń, aýmaqtyq departamentter ókilderiniń qatysýymen keńes ótti.

Qatysýshylar sybaılas jemqorlyqqa qarsy is-qımyl, baqylaý is-sharalaryn uıymdastyrý, ózin-ózi baǵalaý boıynsha jan-jaqty túsiniktemeler aldy. Bilim berý uıymdarynyń aýmaǵynda ártúrli syltaýlarmen zańsyz aqsha jınaýdyń aldyn alý máselelerine, sondaı-aq QR «Pedagog mártebesi týraly» Zańy sheńberinde pedagogterdiń kásibı qyzmetine baılanysty buzýshylyqtarǵa erekshe nazar aýdaryldy.

Eske salaıyq, pedagogterdi kásibı qyzmetine sáıkes kelmeıtin jumystarǵa tartýǵa, sondaı-aq olarǵa taýarlar men qyzmetterdi satyp alý mindetin júkteýge tyıym salynady. Osy normalardy buzý qoldanystaǵy zańnama sheńberinde jaýaptylyqqa alyp keledi.

«berý proesiniń árbir qatysýshysy sybaılas jemqorlyqtyń aldyn alýǵa yqpal ete otyryp, adaldyq pen ádilettiliktiń úlgisin kórsetýi tıis. Osy qaǵıdattardy múltiksiz saqtaýdyń mańyzdylyǵyna nazar aýdaramyz jáne pedagogterdi, bilim berý uıymdarynyń basshylaryn sybaılas jemqorlyq buzýshylyqtardyń kez kelgen jaǵdaılary týraly habarlaýǵa shaqyramyz, – dedi komıtet tóraǵasy Ernur Dáýenov.

15 MLRD TEŃGE MEMLEKETKE QAITARYLDY

Aqsha qarajatyn zańsyz jınaý faktileri nemese basqa da sybaılas jemqorlyq kórinisteri anyqtalǵan kezde aýmaqtyq departamentterge nemese Oqý-aǵartý mınıstrliginiń Bilim berý salasyndaǵy sapany qamtamasyz etý komıtetine +7 (7172) 74-23-92nómiri boıynsha dereý habarlaý usynylady.

Esterińizge sala keteıik, bilim berýge bólingen qarajatty jymqyrýdyń jolyn kesý maqsatynda Oqý-aǵartý mınıstrligi Sybaılas jemqorlyqqa qarsy is-qımyl agenttigimen birlesip «Jol kartasyn» iske asyrýda. Nátıjesinde memleket qazynasyna tıisinshe jumsalmaǵan 15 mıllıard teńge qaıtaryldy. Bilim berý salasyndaǵy sybaılas jemqorlyqqa qarsy sharalardy kúsheıtý jónindegi jumys jalǵasyn tabady.