مەكتەپتە ءورت شىعىپ, 17 وقۋشى قازا تاپقان

فوتو: x.com/n1srbija

كەنيادا باستاۋىش مەكتەپتە ءورت شىعىپ, 17 وقۋشى قازا تاپتى. مالىمەت بويىنشا, 70 ادام ءىز-ءتۇزسىز جوعالىپ كەتكەن, دەپ حابارلادى turkystan.kz CNN ارناسىنا سىلتەمە جاساپ.

ءورت بەيسەنبى كۇنى ءتۇن ورتاسىندا نيەري وكرۋگىندەگى كيەني قالاسىندا, Hillside Endarasha Academy ارالاس مەكتەپ-ينتەرناتىنىڭ ۇلدار جاتاقحاناسىندا باستالدى, دەپ حابارلادى كەنيا ۇلتتىق پوليتسيا قىزمەتىنىڭ وكىلى رەسيلا ونيانگو. ول بالالاردىڭ دەنەلەرى «تانىماستاي كۇيىپ كەتكەنىن» جانە ءورتتىڭ سەبەبى ءالى بەلگىسىز ەكەنىن ايتتى.

ون ءبىر وقۋشى اۋرۋحاناعا جەتكىزىلدى.

ءورت كەزىندە جاتاقحانادا 150-دەن استام ۇل بالا بولعان.

كەنيانىڭ ءبىلىم مينيسترلىگى مەكتەپتە 824 وقۋشى بار ەكەنىن ايتتى: 402 ۇل جانە 422 قىز. سونداي-اق 156 ۇل مەن 160 قىز بالا ينتەرناتتا, قالعانى كۇندىز وقيدى.

كەنيا پرەزيدەنتى ۋيليام رۋتو جۇما كۇنى قازا تاپقانداردىڭ وتباسىنا كوڭىل ايتتى.