Mektepterde «111» baılanys ortalyǵynyń QR-kody engizildi

Foto: ashyq derekkóz

Qańtardan bastap mektep pen kolledjde «111» baılanys ortalyǵyna qoljetimdilikti arttyrý úshin arnaıy tar engizildi. Bul ortalyq otbasy, áıelder men balalardyń quqyqtaryn qorǵaýda quqyqtyq, uıymdastyrýshylyq jáne psıhologııalyq kómek kórsetedi, dep jazdy qandastar.kz

Endi «111» nómirine qońyraý shalý múmkindiginen basqa, balalar men olardyń ata-analary QR-kodtar arqyly suraý jibere alady. Olar barlyq bilim berý uıymdarynda, balalar úshin qoljetimdi oryndarda, sondaı-aq avtobýs aıaldamalarynda ornalasqan. Atalǵan jańalyq kómek alýdyń qolaılylyǵy men qoljetimdiligin arttyrýǵa baǵyttalǵan.

«Buryn balalar baılanys ortalyǵyna tek telefon arqyly ǵana habarlasa alatyn, al endi olardyń QR-kodtar arqyly suraý jiberý múmkindigi bar. Bul qoldaýǵa júginý proesin aıtarlyqtaı jeńildetedi, ony neǵurlym yńǵaıly jáne qoljetimdi etedi. QR-kodtar qajetti aqparat pen kómekti jyldam jáne anonımdi alýǵa múmkindik beredi, bul balalardyń saýaldary men máselelerine jedel den qoıýǵa múmkindik beredi», – dep atap ótti QR Oqý-aǵartý mınıstrligi Balalardyń quqyqtaryn qorǵaý komıtetiniń tóraıymy Nasymjan Ospanova.

О́tken jyldyń qorytyndysy boıynsha «111» baılanys ortalyǵyna balalardan 1000-ǵa jýyq ótinish kelip tústi. Olarǵa anyqtamalyq aqparat berilip, psıhologııalyq qoldaý kórsetilip, memlekettik organdarmen yntymaqtastyqta ýaqytyly kómek uıymdastyryldy.

Esterińizge sala keteıik, 2024 jyldyń shildesinde Memleket basshysy qabyldaǵan áıelderdiń quqyqtary men balalardyń qaýipsizdigin qamtamasyz etý máseleleri jónindegi zań aıasynda «111» baılanys ortalyǵynyń qyzmeti bekitilgen bolatyn.