مەكتەپتەردە اقشا جيناعاندارعا ايىپپۇل سالىنادى

فوتو: اشىق دەرەككوز

قىرعىز رەسپۋبليكاسى جوگوركۋ كەنەشىنىڭ دەپۋتاتتارى ەلدەگى «ءبىلىم تۋرالى زاڭعا», «قۇقىق بۇزۋشىلىق تۋرالى كودەكسكە» مەكتەپتە زاڭسىز اقشا جيناعانى ءۇشىن ايىپپۇل سالۋدى كوزدەيتىن تۇزەتۋلەردى ءبىرىنشى وقىلىمدا قابىلدادى, دەپ حابارلايدى  qandastar.kz  Skifnews.kz اقپارات پورتالىنا سىلتەمە جاساپ.

زاڭ جوباسىنىڭ باستاماشىسى كەنەش دەپۋتاتى ميرگۇل تەمىرباەۆانىڭ ايتۋىنشا, قىرعىز پرەزيدەنتىنىڭ جارلىعىمەن سالىنعان تىيىمعا قاراماستان, مەكتەپتەردە ءالى كۇنگە زاڭسىز اقشا جيناۋ ارەكەتى جالعاسىپ كەلەدى.

اقشانى زاڭسىز ءوندىرۋ فاكتىلەرى انىقتالعان جاعدايدا «قۇقىق بۇزۋشىلىق تۋرالى كودەكسىنە» سايكەس جەكە تۇلعالارعا 200 ەسەپتىك كورسەتكىش (20 مىڭ سوم نەمەسە 113 مىڭ تەڭگەدەن اسا) ايىپپۇل سالىنادى.

ەگەر مەكتەپتەردە مەملەكەتتىك قور قۇرۋ ارقىلى زاڭ بۇزىلسا, وندا جەكە تۇلعالارعا 400 ەسەپتىك كورسەتكىش (40 مىڭ سوم نەمەسە 227 مىڭ تەڭگەدەن اسا) جانە زاڭدى تۇلعالار ءۇشىن 600 ەسەپتىك كورسەتكىش (60 مىڭ سوم نەمەسە 340 مىڭنان استام تەڭگە) مولشەرىندە ايىپپۇل سالىنادى.

بۇدان وزگە, قىرعىز دەپۋتاتتارى تاراپىنان ەلدە بەتتى جاۋىپ جۇرەتىن كيىم كيۋگە ايىپپۇل سالۋ ۇسىنىلىپ وتىر. قوعامدىق ورىندا ازاماتتاردىڭ جەكە باسىن انىقتاۋعا مۇمكىندىك بەرمەيتىندەي بەتىن جاۋىپ تۇراتىن كيىم كيىپ, قاۋعاداي ساقال قويعان ازاماتتارعا كەلەشەكتە زاڭ بويىنشا ايىپپۇل سالىنۋى مۇمكىن.