Mektepterde aqsha jınaǵandarǵa aıyppul salynady

Foto: ashyq derekkóz

Qyrǵyz Respýblıkasy Jogorký Keneshiniń depýtattary eldegi «Bilim týraly zańǵa», «Quqyq buzýshylyq týraly kodekske» mektepte zańsyz aqsha jınaǵany úshin aıyppul salýdy kózdeıtin túzetýlerdi birinshi oqylymda qabyldady, dep habarlaıdy  qandastar.kz  Skifnews.kz aqparat portalyna silteme jasap.

Zań jobasynyń bastamashysy kenesh depýtaty Mırgúl Temirbaevanyń aıtýynsha, Qyrǵyz Prezıdentiniń jarlyǵymen salynǵan tyıymǵa qaramastan, mektepterde áli kúnge zańsyz aqsha jınaý áreketi jalǵasyp keledi.

Aqshany zańsyz óndirý faktileri anyqtalǵan jaǵdaıda «Quqyq buzýshylyq týraly kodeksine» sáıkes jeke tulǵalarǵa 200 eseptik kórsetkish (20 myń som nemese 113 myń teńgeden asa) aıyppul salynady.

Eger mektepterde memlekettik qor qurý arqyly zań buzylsa, onda jeke tulǵalarǵa 400 eseptik kórsetkish (40 myń som nemese 227 myń teńgeden asa) jáne zańdy tulǵalar úshin 600 eseptik kórsetkish (60 myń som nemese 340 myńnan astam teńge) mólsherinde aıyppul salynady.

Budan ózge, qyrǵyz depýtattary tarapynan elde betti jaýyp júretin kıim kııýge aıyppul salý usynylyp otyr. Qoǵamdyq orynda azamattardyń jeke basyn anyqtaýǵa múmkindik bermeıtindeı betin jaýyp turatyn kıim kıip, qaýǵadaı saqal qoıǵan azamattarǵa keleshekte zań boıynsha aıyppul salynýy múmkin.