ءبىلىم
مەكتەپتەردە ءبىتىرۋ كەشىن وتكىزۋگە تىيىم سالۋ – زاڭسىز, مينيسترلىكتە مۇنداي قۇقىق جوق – زاڭگەرلەر
فوتو: سيۋجەت كادرلارىنان سكرين
قازاقستاندىق زاڭگەرلەر اتتەستاتتارىن العان تۇلەكتەرگە ءسان-سالتاناتتى بانكەتتەر جاساۋعا مەكتەپ اكىمشىلىگى تىيىم سالا المايتىنىن جەتكىزدى. ايتۋلارىنشا, بىتىرگەن تۇلەكتەرگە بۇدان سوڭ اتا-انالار عانا جاۋاپتى بولادى, دەپ جازدى qandastar.kz
بۇل تۋرالى Stan.kz اقپارات اگەنتتىگى 31-ارنانىڭ “ينفورمبيۋرو” جاڭالىقتار باعدارلاماسىنا سىلتەمە جاساپ حابارلايدى.
وقۋ-اعارتۋ مينيسترلىگى ءبىتىرۋ كەشتەرى مەن كولىك جالداۋعا تىيىم سالىنعانىن ەسكەرتىپ كەلەدى. الايدا زاڭگەرلەردىڭ ايتۋىنشا, اتتەستات العاننان كەيىن مەكتەپ وقۋشىلارى وقۋشى مارتەبەسىنەن ايىرىلادى. ياعني ولارعا ەندى اتا-انالارى عانا جاۋاپ بەرەدى.
رەستوراتورلاردىڭ ايتۋىنشا, بيىل ءبىتىرۋ كەشىن مەيرامحانالاردا وتكىزۋگە قىزىعۋشىلىق ايتارلىقتاي تومەندەگەن. بۇدان بولەك, ءىس-شارالاردىڭ باسىم بولىگى كەشكى ساعات 7-دەن 11-گە دەيىنگى ۋاقىت ارالىعىندا عانا ءوتىپ ءجۇر.
“اتا-انا مىندەتتى تۇردە بىرگە ءجۇرۋى قاجەت. ءبىر وقۋشىنىڭ قاسىندا بىر اتا-انا بولۋى كەرەك. ادەتتە بىزدە 3-5 سىنىپتان كوپ برونداپ جاتادى. قوناق سانى 120-دان 200-گە دەيىن, كەيدە ودان دا كوپ بولادى”, – دەدى «Hayat» مەيرامحاناسىنىڭ اكىمشىسى ازيزا سوواتوۆا.
وقۋ-اعارتۋ ءمينيسترى عاني بەيسەمباەۆ بۇعان دەيىن اتا-انالار مەن تۇلەكتەردى مەكتەپتەگى سالتاناتتى شارالاردى قىمبات كەشتەرگە اينالدىرماۋعا, مەيرامحانا مەن ءدامحانالاردا ءبىتىرۋ كەشىن تويلاماۋعا شاقىرعان ەدى.
