Mektepterde bitirý keshin ótkizýge tyıym salý – zańsyz, mınıstrlikte mundaı quqyq joq – Zańgerler

Foto: Sıýjet kadrlarynan skrın

Qazaqstandyq zańgerler attestattaryn alǵan túlekterge sán-saltanatty banketter jasaýǵa mektep ákimshiligi tyıym sala almaıtynyn jetkizdi. Aıtýlarynsha, bitirgen túlekterge budan soń ata-analar ǵana jaýapty bolady,  dep jazdy qandastar.kz

Bul týraly Stan.kz aqparat agenttigi 31-arnanyń “Informbıýro” jańalyqtar baǵdarlamasyna silteme jasap habarlaıdy.

Oqý-aǵartý mınıstrligi bitirý keshteri men kólik jaldaýǵa tyıym salynǵanyn eskertip keledi. Alaıda zańgerlerdiń aıtýynsha, attestat alǵannan keıin mektep oqýshylary oqýshy mártebesinen aıyrylady. Iaǵnı olarǵa endi ata-analary ǵana jaýap beredi.

Restoratorlardyń aıtýynsha, bıyl bitirý keshin meıramhanalarda ótkizýge qyzyǵýshylyq aıtarlyqtaı tómendegen. Budan bólek, is-sharalardyń basym bóligi keshki saǵat 7-den 11-ge deıingi ýaqyt aralyǵynda ǵana ótip júr.

“Ata-ana mindetti túrde birge júrýi qajet. Bir oqýshynyń qasynda bir ata-ana bolýy kerek. Ádette bizde 3-5 synyptan kóp brondap jatady. Qonaq sany 120-dan 200-ge deıin, keıde odan da kóp bolady”, – dedi «Hayat» meıramhanasynyń ákimshisi Azıza Sooatova.

Oqý-aǵartý mınıstri Ǵanı Beısembaev buǵan deıin ata-analar men túlekterdi mekteptegi saltanatty sharalardy qymbat keshterge aınaldyrmaýǵa, meıramhana men dámhanalarda bitirý keshin toılamaýǵa shaqyrǵan edi.