جاڭالىقتار
مەكتەپتەرتەردە جاڭا اس ءمازىرى ازىرلەنەدى
دەنساۋلىق ءمينيسترى اقمارال ءالنازاروۆا 2025 جىلدىڭ 1 قىركۇيەگىنەن باستاپ كۇشىنە ەنەتىن جانە بالالاردىڭ جاس ەرەكشەلىكتەرىنە ساي تەڭدەستىرىلگەن جانە قۇنارلى تاماقتانۋدى قامتاماسىز ەتۋگە باعىتتالعان جاڭا تاماقتانۋ ستاندارتىنا سايكەس مەكتەپ اس ءمازىرىن بەكىتۋدى بۇيىردى, دەپ حابارلايدى Qandastar.kz
بۇيرىق 18 تامىزدا جاريالانىپ, مينيستر مەكتەپ وقۋشىلارى اراسىنداعى انەميانىڭ الدىن الۋعا ەرەكشە نازار اۋدارعان بولاتىن. ويتكەنى, پروفيلاكتيكالىق تەكسەرۋلەردىڭ قورىتىندىسى بويىنشا, مەكتەپ وقۋشىلارى اراسىندا كاريەس پەن انەميا ءجيى كەزدەسەتىنى انىقتالدى. بۇل تۋرالى دەپارتامەنتتىڭ ءباسپاسوز قىزمەتى حابارلادى.
مينيستر بالالاردىڭ قاۋىپسىز ءبىلىم الۋىنا جاعداي جاساۋ جانە دەنساۋلىعىن ساقتاۋ ءۇشىن جەرگىلىكتى اتقارۋشى ورگاندار مەكتەپتەردە جۇيەلى سانيتارلىق-ەپيدەميولوگيالىق باقىلاۋدى قامتاماسىز ەتۋ كەرەكتىگىن اتاپ ءوتتى.
وقۋشىلارعا مەديتسينالىق كومەك كورسەتۋدى ۇيىمداستىرۋدى كۇشەيتۋ, كادر ماسەلەسىن شەشۋ, مەكتەپ مەدبيكەلەرىنىڭ بىلىكتىلىگىن ارتتىرۋ جانە مەديتسينالىق پۋنكتتەردىڭ ماتەريالدىق-تەحنيكالىق بازاسىن نىعايتۋ قاجەت. مەكتەپتىڭ ءاربىر مەديتسينالىق پۋنكتى اۋماقتىق پرينتسيپ بويىنشا ەمحاناعا بەكىتىلگەن. ءاربىر وقۋشىعا مەديتسينالىق كومەك كورسەتۋگە جەتكىلىكتى قارجى بولىنۋدە, — دەدى ءالنازاروۆا.
