Memleket áskerı qyzmetkerlerdi turǵyn úı tólemderinen aıyrmaq: Áskerılerdiń áıelderi jelide narazylyq bildirdi

Foto: Vıdeodan skrın

Qazaqstandyq áskerı qyzmetkerlerdiń áıelderi aılyqtyń azdyǵyna shaǵymdanyp, áskerılerdi turǵyn úı tólemderinen aıyrý týraly sheshimge narazylyq bildirdi, dep jazdy qandastar.kz

 Bul týraly Stan.kz aqparat agenttigi “Azattyq radıosyna” silteme jasap habarlaıdy.

Aıdana Dosaeva – áskerı qyzmetkerdiń áıeli. Ol jaqynda maıor shenin alǵan kúıeýiniń 320 myń teńge aılyq alatynyn, memleket osyǵan deıin otbasynyń bir jyrtyǵyn jamap otyrǵan turǵyn úı tólemderinen aıyrǵanyn aıtyp, shyr-pyr boldy.

“Áskerıdiń áıeli retinde bul – meniń janaıqaıym. Kúıeýim ofıer bolý úshin 5 jyl oqydy. Qazirge deıin ol 270 myń teńge aılyq alyp júrdi. Bir aı buryn maıor shenin alyp, aılyǵy 320 myń teńgege ósti. Biz kommýnaldyq tólemderdi qosqanda 150 myń teńgege páter jaldaımyz. Turǵyn úı tólemderinen 70 myń teńge qalady. Áreń kún kórip júr edik. Aqsha jınaý, saıahattaý, qydyrý týraly aıtpaı-aq qoıaıyn, bul – biz úshin arman. Endi osy aıdan bastap bizge turǵyn úı tólemi berilmedi. Nege áskerılerdi tyǵyryqqa tireı beresizder? Jórgek kerek. Kúıeýim jumystan kelip túski ýaqytta taksımen adam tasımyn dedi. О́ıtkeni túski ýaqytta taksı qyzmetin qoldanatyndar kóp bolady”, – dep shaǵymdandy jeli qoldanýshysy.

Aıdana kúıeýiniń durys uıyqtamaǵannan kóz aldynda densaýlyǵy nasharlap bara jatqanyn aıtty. Ol kún kórý úshin altyndaryn sata bastaǵan. Sondaı-aq kún saıyn azyq-túlik te qymbattap jatqanyn eske saldy.

Buǵan deıin áskerılerdiń aılyǵy az bolǵandyqtan olarǵa ár otbasy múshesi úshin turǵyn úı tólemi beriletin. Alaıda qorǵanys mınıstrligi maýsym aıynda turǵyn úı tólemderiniń óz ornymen jumsalyp jatpaǵananyn jeleý etip, ony toqtatyp tastady. Mınıstrliktiń málimetinshe, turǵyn úı tólemaqysyn tek jalǵa alǵan páterge, ıpoteka tóleýge nemese úı alý maqsatyndaǵy jınaqqa salý kerek.

“Ofıer tipti kýrerden de az tabady deýge bolady. Almatyda kýrerdiń aqsha tabý múmkindigi ofıerden kóbirek. Al ofıer tańnan keshke deıin qaraýylda turady. Ol durys suraq qoıyp otyr: kishi ofıerlik quramdy aqshalaı tólemderden aıyrdy. Endi olardyń aldynda dılemma tur – ári qaraı qalý ma, álde ketý me? Endi bári, ásirese kishi ofıerler jappaı jumystan ketýi múmkin”, – deıdi Shekara qyzmetiniń zapastaǵy podpolkovnıgi, burynǵy áskerı qyzmetker Ǵalymjan Sadvaqasov.

Onyń aıtýynsha, qazirdiń ózinde áskerde kadr tapshylyǵy baıqalady.

Sarapshylardyń sózinshe, mundaı jaǵdaılar azamattardyń áskerı qyzmetke degen qyzyǵýshylyǵyn joıyp, tipti eldiń qorǵanys qabiletine keri áserin tıgizedi.

“Meniń bilýimshe, qarjylandyrýdy kóbeıtý qajet degen belgili bir túsinik bar. Biraq munda qarajat bólinetin qurylymdy da eskerý kerek. Eger áskerde sybaılas jemqorlyq joǵary bolsa, esep beretin ınstıtýttar joq bolsa, áskerdegi álimjettik, zańǵa qaıshy qarym-qatynastardy anyqtaýǵa kómektesetin tetikter bolmasa, armııanyń qurylymy álsiz bolsa, ıaǵnı ol durys uıymdastyrylmaǵan jaǵdaıda, qarjylyq salymdar máseleni tolyq sheshpeıdi”, – dep túsindirdi saıasattanýshy Dımash Áljanov.

Ǵalymjan Sadvaqasovtyń aıtýynsha, memleket áskerı qyzmetkerlerdiń jalaqysyn arttyrýǵa qaýqarly, ol úshin tym kóbeıip ketken qyzmet kórsetýshi qyzmetkerlerdiń shtat sanyn qysqartý kerek. Onyń sózinshe, mundaı qyzmetterde kóbine joǵarǵy ofıerlik quram ókilderiniń jaqyn týystary otyrady, al olardyń eldiń qorǵanys qabiletine eshqandaı paıdasy joq.