ءبىلىمجاڭالىقتار
مەملەكەت باسشىنىسىڭ قۇرىلتايداعى قۇندى سوزدەرى
مەملەكەت باسشىسىنىڭ قۇرىلتايداعى قۇندى سوزدەرى باستالدى. وندا ول ەلىمىزدەگى ءارتۇرلى ماڭىزدى ماسەلەلەردى تىلگە تيەك ەتۋدە. اسىرەسە رۋحانيات تاقىرىبىنا كوبىرەك توقتالدى.
“شىن مانىندە, وزىق ويلى ۇلت بولۋدىڭ ەڭ توتە جولى – كىتاپ وقۋ”
“الماتىدا كەيبىر كىتاپحانالار زامان تالابىنا ساي جاڭعىرتىلدى. وندا جاستاردىڭ شىعارماشىلىقپەن اينالىسىپ, ءبىلىمىن ۇشتاۋىنا تولىق مۇمكىندىك بار. وبلىس اكىمدەرى وسى جاقسى تاجىريبەنى جالعاستىرۋى كەرەك.
شىن مانىندە, وزىق ويلى ۇلت بولۋدىڭ ەڭ توتە جولى – كىتاپ وقۋ. سوندىقتان كىتاپ وقۋ مادەنيەتىن قوعامدا بارىنشا ورنىقتىرۋىمىز كەرەك”-دەدى مەملەكەت باسشىسى.
سونداي-اق, ينتەرنەتتى تالعامسىز پايدالانۋ بالا تاربيەسىنە تەرىس ىقپال ەتىپ جاتقانىن دا تىلگە تيەك ەتتى.
جانە ءتىلىمىزدى دامىتۋ تەتىكتەرى جونىندە دە وي-پىكىرىمەن ءبولىستى.
“وسى تۇستا, حالىقارالىق «قازاق ءتىلى قوعامى» تۋرالى ەرەكشە اتاپ وتكىم كەلەدى. قازىر ۇلتتىق قۇرىلتايدىڭ مۇشەسى راۋان كەنجەحان ۇلى باستاعان جاڭا بۋىن وكىلدەرى ۇيىم تىزگىنىن قولعا الدى. مەن قوعامنىڭ «Qazaq tili» ەنداۋمەنت قورىن قۇرۋ تۋرالى ۇسىنىسىن قولدادىم. وسى جاقسى باستامانى قولىندا قارجىسى بار ازاماتتار جالعاستىرىپ اكەتتى. تىلىمىزگە قامقورلىق تانىتقان جاندارعا ەرەكشە ريزاشىلىعىمدى بىلدىرەمىن. قالتالى, جاناشىر ازاماتتار قوردى ۇلعايتۋعا ۇلەس قوسادى دەپ سەنەمىن”-دەدى.
«سوڭعى جىلدارى قۇرىلىسقا قاجەت دەگەن جەلەۋمەن كەيبىر جادىگەرلەرىمىز ءب ۇلىنىپ جاتىر»
مەملەكەت باسشىسى قۇزىرلى ورگاندارعا ءتيىستى شارا قابىلداۋدى تاپسىردى.
«ءبىز تەڭدەسسىز تاريحي نىساندارىمىزدى جويۋعا جول بەرمەي, مۇقيات قورعاۋىمىز كەرەك. قۇزىرلى ورگاندارعا ءتيىستى شارا قابىلداۋدى تاپسىرامىن. قاجەت بولسا, زاڭناماعا وزگەرىس ەنگىزۋ ماسەلەسىن قاراستىرعان ءجون»,-دەدى پرەزيدەنت.
