Memleket basshynysyń Quryltaıdaǵy qundy sózderi

Memleket basshysynyń Quryltaıdaǵy qundy sózderi bastaldy. Onda ol elimizdegi ártúrli mańyzdy máselelerdi tilge tıek etýde. Ásirese rýhanııat taqyrybyna kóbirek toqtaldy.

“Shyn máninde, ozyq oıly ult bolýdyń eń tóte joly – kitap oqý”

“Almatyda keıbir kitaphanalar zaman talabyna saı jańǵyrtyldy. Onda jastardyń shyǵarmashylyqpen aınalysyp, bilimin ushtaýyna tolyq múmkindik bar. Oblys ákimderi osy jaqsy tájirıbeni jalǵastyrýy kerek.

Shyn máninde, ozyq oıly ult bolýdyń eń tóte joly – kitap oqý. Sondyqtan kitap oqý mádenıetin qoǵamda barynsha ornyqtyrýymyz kerek”-dedi Memleket basshysy.

Sondaı-aq, ınternetti talǵamsyz paıdalaný bala tárbıesine teris yqpal etip jatqanyn da tilge tıek etti.

Jáne tilimizdi damytý tetikteri jóninde de oı-pikirimen bólisti.

“Osy tusta, halyqaralyq «Qazaq tili qoǵamy» týraly erekshe atap ótkim keledi. Qazir Ulttyq Quryltaıdyń múshesi Raýan Kenjehanuly bastaǵan jańa býyn ókilderi uıym tizginin qolǵa aldy. Men qoǵamnyń «Qazaq tili» endaýment qoryn qurý týraly usynysyn qoldadym. Osy jaqsy bastamany qolynda qarjysy bar azamattar jalǵastyryp áketti. Tilimizge qamqorlyq tanytqan jandarǵa erekshe rızashylyǵymdy bildiremin. Qaltaly, janashyr azamattar qordy ulǵaıtýǵa úles qosady dep senemin”-dedi.

«Sońǵy jyldary qurylysqa qajet degen jeleýmen keıbir jádigerlerimiz búlinip jatyr»

Memleket basshysy quzyrly organdarǵa tıisti shara qabyldaýdy tapsyrdy.

«Biz teńdessiz tarıhı nysandarymyzdy joıýǵa jol bermeı, muqııat qorǵaýymyz kerek. Quzyrly organdarǵa tıisti shara qabyldaýdy tapsyramyn. Qajet bolsa, zańnamaǵa ózgeris engizý máselesin qarastyrǵan jón»,-dedi Prezıdent.