Memleket basshysy: Aǵylshyn tilin oqytýda ata-analardyń qalaýy eskeriledi



Aǵylshyn tilin oqytýdy 2-3-synyptan nemese ata-analardyń qalaýymen 5-synyptan bastap oqytý kerek. Memleket basshysy Qasym-Jomart Toqaev Tamyz konferenııasynda osylaı dedi. Prezıdent úsh tildi bilim berý júıesin engizý kún tártibindegi óte ózekti másele ekenin aıtty. Qasym-Jomart Toqaev árbir bala aldymen ata tilin jetik bilýi kerek. Basymdyqty soǵan berýi tıis. «Keıin ózge tilderdi meńgerýge qulshynǵany abzal», dedi. Sondaı-aq memleket basshysy joǵarǵy synyp oqýshylaryna jaratylystaný-tehnıkalyq baǵytyndaǵy pánderdi mektepterdiń daıyndyǵyna qaraı oqytý qajet ekenin aıtty. Qasym-Jomart Toqaev, Qazaqstan Respýblıkasynyń prezıdenti: – «Ár halyqtyń ana tili – bilimniń kilti», – deıdi akademık Ahmet Jubanov. Bul sóz biz úshin negizgi ustanymǵa aınalýy tıis. Úsh tildi júıege kóshý oqytýshylar men bilim berý baǵdarlamalarynyń daıyndyǵyna qaraı júzege asady. Bul rette, ǵylymı-jaratylystaný pánderin aǵylshyn tilinde oqytý bilim ortalyqtarynyń kadrlyq múmkindigine qaraı, oqýshylar men ata-analardyń qalaýy boıynsha iske asýy tıis. Tuńǵysh Prezıdentimiz – Elbasy Nursultan Ábishuly Nazarbaev: «Qazaq tili úsh tildiń bireýi bolyp qalmaıdy. Úsh tildiń birinshisi, negizgisi, bastysy, mańyzdysy bola beredi», dep óte ónegeli oı aıtty. Sondyqtan aǵylshyn tilin oqytýdy 2-3-synyptan nemese ata-analardyń qalaýyna qaraı 5-synyptan bastaý oryndy ári tıimdi bolady dep sanaımyn. Al, joǵary synyptarda jaratylystaný-tehnıkalyq pánderdi mektepterdiń daıyndyǵyna qarap júrgizý qajet. Sondaı-aq memleket basshysy jergilikti ákimdikter muǵalimderdi túrli sharalarǵa jumyldyrý jumystaryn dereý doǵarý kerektigin aıtty. Qasym-Jomart Toqaev: «Ustazdar qaýymyn basqa jumystarǵa tartý arqyly ákimder óz qyzmetterin asyra paıdalanyp otyr», – dedi. Odan bólek, Prezıdent mektepke deıingi bilim berý uıymdarynyń jumysyn jiti baqylaý qajettigin aıtty. Sóıtip, Úkimetke arnaıy zań qabyldaýdy tapsyrdy. О́ıtkeni keıingi jyldary elimizdegi bóbekjaılarda búldirshinderdi uryp-soǵý derekteri jıilep ketken. Qasym-Jomart Toqaev «mundaı basssyzdyqty boldyrmaý», – qajet dedi.

Derekkóz: https://24.kz/kz/zha-aly-tar/bilim-zh-ne-ylym/item/334814-to-aev-a-ylshyn-tilin-o-ytuda-ata-analardy-alauy-eskeriledi