Memleket basshysy Ázerbaıjan prezıdentine jedelhat joldady

Foto: Aqorda

Memleket basshysy Qasym-Jomart Toqaev Ilham Álıevti Qazaqstan men Ázerbaıjan arasyndaǵy strategııalyq áriptestik jáne odaqtastyq qarym-qatynas týraly shartqa qol qoıylǵanyna 20 jyl tolýymen quttyqtady, dep habarlady Aqorda.

«Elderimiz arasyndaǵy yntymaqtastyqtyń basty baǵyttaryn qamtıtyn bul tarıhı qujat qazaq-ázerbaıjan baılanysyn damytýdaǵy mańyzdy kezeńniń bastalǵanyn aıqyndap, kóptegen sala boıynsha ózara yqpaldastyqty nyǵaıtýǵa berik negiz qalady. Birlesken kúsh-jiger arqyly strategııalyq seriktestik pen odaqtastyqty odan ári nyǵaıtyp, ekijaqty yntymaqtastyqtyń orasan zor áleýetin halyqtarymyzdyń ıgiligi jolynda paıdalanamyz dep senemin», – delingen quttyqtaý jedelhatynda.