مەملەكەت باسشىسى «ءبىلىم-يننوۆاتسيا» ليتسەي-ينتەرناتىندا بولدى

فوتو: اقوردا

قاسىم-جومارت توقاەۆقا وقۋ ورنىنداعى ءبىلىم بەرۋ پروتسەسىنىڭ ەرەكشەلىگى مەن وقۋشىلاردىڭ عىلىمي-زەرتتەۋ جوبالارى تانىستىرىلدى, دەپ حابارلادى qandastar.kz. 

ليتسەيدە جاراتىلىستانۋ-ماتەماتيكا باعىتىنا باسىمدىق بەرىلەدى. اتاپ ايتقاندا, فيزيكا, حيميا, بيولوگيا, ماتەماتيكا جانە ينفورماتيكا پاندەرى بويىنشا ساباقتار اعىلشىن تىلىندە وتەدى. ۇستازدار وقۋشىلاردىڭ اكادەميالىق جەتىستىكتەرىنە دەن قويادى. ناتيجەسىندە ولار رەسپۋبليكالىق, حالىقارالىق ءپان وليمپيادالارىندا جانە سپورت سايىستارىندا ۇزدىك اتانىپ ءجۇر.

جىل باسىندا جاڭا عيمارات پايدالانۋعا بەرىلىپ, ليتسەي-ينتەرنات كەنتاۋدان تۇركىستان قالاسىنا كوشىرىلگەن. قازىر مۇندا 500-دەن استام وقۋشى ءبىلىم الىپ جاتىر.

پرەزيدەنت وقۋ جانە ۇيىرمە كابينەتتەرىن, سپورت زالىن ارالاپ كورىپ, وقۋشىلارمەن اڭگىمەلەستى.

جىل باسىندا جاڭا عيمارات پايدالانۋعا بەرىلىپ, ليتسەي-ينتەرنات كەنتاۋدان تۇركىستان قالاسىنا كوشىرىلگەن. قازىر مۇندا 500-دەن استام وقۋشى ءبىلىم الىپ جاتىر.

پرەزيدەنت وقۋ جانە ۇيىرمە كابينەتتەرىن, سپورت زالىن ارالاپ كورىپ, وقۋشىلارمەن اڭگىمەلەستى.

مەملەكەت باسشىسى ەلىمىزدىڭ كەلەشەگى جاس ۇرپاقتىڭ قولىندا ەكەنىن ايتىپ, ولاردىڭ وقۋدا وزات بولۋىنا تىلەكتەستىك ءبىلدىردى.

بۇگىندە تۇركىستان وبلىسىندا «جايلى مەكتەپ» ۇلتتىق جوباسى بويىنشا 14 مىڭ وقۋشىعا ارنالعان 29 مەكتەپ سالىنىپ جاتىر. سونىمەن قاتار سىبايلاس جەمقورلىق بويىنشا ءىستى بولعان تۇلعالاردان تاركىلەنگەن قارجىعا وڭىردە 20 ءبىلىم بەرۋ نىسانى بوي كوتەرەدى. ونىڭ 13-ءى بيىل پايدالانۋعا بەرىلمەك. جىل سوڭىنا دەيىن وبلىستاعى 4 اپاتتى جانە ءۇش اۋىسىمدى 5 مەكتەپتىڭ ماسەلەسى تولىعىمەن شەشىلەدى.