Jańalyqtar
Memleket basshysy kórnekti jazýshy, dramatýrg Dýlat Isabekovtiń otbasyna kóńil aıtty
Marqumnyń ımany salamat, jany jánnatta bolsyn.
Prezıdent Qasym-Jomart Toqaev kórnekti jazýshy, dramatýrg, Qazaqstannyń Eńbek Eri, Memlekettik syılyqtyń ıegeri Dýlat Isabekovtiń dúnıeden ótýine baılanysty onyń otbasy men jaqyn týystarynyń qaıǵysyna ortaqtasyp, kóńil aıtty, dep habarlaıdy qandastar.kz
«Dýlat Isabekuly ulaǵatty ǵumyryn ult ádebıetine arnaǵan, taǵylymdy týyndylarymen oqyrman sanasyna shamshyraq bola bilgen naǵyz degdar tulǵa edi.
Halqymyzdyń rýhanı álemin baıytýda, ulttyq prozamyzdyń kókjıegin keńeıtýde aıanbaı ter tógip, ónegeli ómir súrdi. Qýatty qalamynan týǵan súbeli shyǵarmalary, dramalyq eńbekteri álem sahnalaryn baǵyndyryp, dúnıe júzine kıeli sóz ónerimizdi dáriptedi.
Sońyna ádebı mol mura qaldyrǵan Dýlat Isabekulynyń jarqyn beınesi men ardaqty esimi halqymyzdyń júreginde máńgi saqtalady. Marqumnyń ımany salamat, jany jánnatta bolsyn», – delingen jedelhatta.
Osyǵan deıin belgili jazýshy, dramatýrg, Memlekettik syılyqtyń laýreaty Dýlat Isabekovtyń ómirden ótkenin jazǵan edik.
