مەملەكەت باسشىسى قۇربان ايت مەرەكەسىمەن قۇتتىقتادى

مەملەكەت باسشىسى قاسىم-جومارت توقاەۆ بارشا مۇسىلمان قاۋىمىن قۇربان ايت مەرەكەسىمەن قۇتتىقتادى. ەل پرەزيدەنتى بۇل كۇننىڭ يماندىلىق پەن ىزگىلىكتىڭ سيمۆولى ەكەنىن اتاپ ءوتتى, دەپ حابارلايدى اقوردا.

ايت كۇندەرى مۇقتاج جاندارعا جاقسىلىق جاساپ, كومەك كورسەتۋ – اتا-بابالارىمىزدان جالعاسىپ كەلە جاتقان يگى ءداستۇر. اسىل ءدىنىمىز ازاماتتاردى ءبىر-ءبىرىن قۇرمەتتەۋگە, جاقىندارىنا جاناشىر بولۋعا ۇندەيدى, – دەلىنگەن قۇتتىقتاۋدا.

پرەزيدەنت قۇربان ايتتىڭ قوعامداعى باۋىرمالدىق پەن سىيلاستىقتى دارىپتەيتىنىن ايتىپ, حالىقتىڭ بىرلىگى مەن ىنتىماعى وسى رۋحاني قۇندىلىقتار ارقىلى نىعايا تۇسەتىنىن جەتكىزدى.

قۇربان ايت – ىرىستى ىنتىماقتىڭ مەرەكەسى. ءبىز ەلىمىزدەگى تۇراقتىلىقتىڭ قادىرىن ءبىلىپ, تاتۋلىقتى ساقتاۋ ارقىلى كەز كەلگەن سىننان سۇرىنبەي ءوتىپ, بيىك ماقساتتارعا جەتەمىز. ادىلەتتى, تازا, قاۋىپسىز ءارى قۋاتتى قازاقستاندى بىرگە قۇرامىز, – دەدى مەملەكەت باسشىسى.

پرەزيدەنت بارشا قازاقستاندىقتارعا ايت مەرەكەسى قۇت-بەرەكە, اماندىق پەن مولشىلىق اكەلسىن دەگەن تىلەگىن ءبىلدىرىپ, ايتتان ايتقا امان-ەسەن جەتە بەرەيىك دەپ تۇيىندەدى.