جاڭالىقتار
مەملەكەت باسشىسى S Sistem Lojistik كومپانياسىنىڭ باسقارما توراعاسى حۋسەين ءبارليندى قابىلدادى
مەملەكەت باسشىسى ەلىمىزدى ەۋرازياداعى جەتەكشى ترانزيتتىك حابقا اينالدىرۋ ءۇشىن ورتا ءدالىزدى جان-جاقتى دامىتۋ جۇمىستارى باستالعانىن جەتكىزدى, دەپ حابارلايدى Qandastar.kz
بۇل رەتتە پرەزيدەنت S Sistem Lojistik كومپانياسىنىڭ اقتوبە حالىقارالىق اۋەجايىندا لوگيستيكا ورتالىعىن قۇرۋ باستاماسىنا قولداۋ ءبىلدىردى. جوبا «قازپوشتا» اكتسيونەرلىك قوعامىمەن بىرگە جۇزەگە اسىرىلادى.
حۋسەين بارلين كومپانيانىڭ استانا, الماتى, شىمكەنت جانە اقتاۋ قالالارىندا دا لوگيستيكا ورتالىعىن كەڭەيتۋدى جوسپارلاپ وتىرعانىن جەتكىزدى. قاسىم-جومارت توقاەۆتىڭ ايتۋىنشا, لوگيستيكا ينفراقۇرىلىمىن كەشەندى تۇردە دامىتۋ وتە ماڭىزدى.
مۇنىڭ ءبارى ترانزيت ۋاقىتىن قىسقارتۋعا جانە ەكسپورت ينفراقۇرىلىمىن جاقسارتۋعا مۇمكىندىك بەرەدى. S Sistem Lojistik – تۇركيانىڭ لوگيستيكا سەكتورىنداعى جەتەكشى يننوۆاتسيالىق ۇيىم.
كومپانيا ىستانبۇل, انكارا, يزمير جانە انتاليا اۋەجايلارىندا, سونداي-اق باسقا دا جەرلەردە جالپى اۋماعى 100 مىڭ شارشى مەتر قويما جەلىسىن باسقارادى.
