Memleket basshysy Slovakııa Premer-mınıstrimen kelissóz júrgizdi

Búgin Astanaǵa Slovakııa Premer-mınıstri Robert Fıo resmı saparmen keldi. Aqordada ony saltanatty qarsy alý rásimi ótti.

Qasym-Jomart Toqaev:

– Qazaqstan men Slovakııany tyǵyz yqpaldastyq baılanystyrady. Biz iri jobalardy júzege asyryp jatyrmyz. Degenmen tıisti deńgeıde zerdelep jáne bolashaqta qolǵa alatyn jańa baǵyttar bar dep oılaımyn. Sondyqtan Sizdiń bul saparyńyzǵa erekshe mán beremiz, sondaı-aq eki el arasyndaǵy yntymaqtastyqty damytýǵa yqpal etedi degen senimdemiz. Sizdiń elińizben qarym-qatynasty joǵary baǵalaımyz jáne Slovakııany Qazaqstannyń Eýropa Odaǵyndaǵy negizgi seriktesteriniń biri sanaımyz. Sol sebepti, men Prezıdent retinde memleketterimiz arasyndaǵy yqpaldastyqty túrli salada keńeıtý úshin bar kúsh-jigerimdi salamyn, – dedi Memleket basshysy.

Robert Fıo:

– Joǵary Mártebeli Prezıdent myrza, qonaqjaılyq tanytqanyńyz úshin zor rızashylyǵymdy bildiremin. Elderimizdiń saıası ustanymynda alshaqtyq joq ekenin rastaımyn. Sondyqtan ózara tıimdi ekonomıkalyq baılanys pen dostyqqa basa mán berýimiz kerek. Búgin biz qos tarapqa da qyzyqty ári mańyzdy birneshe jobany talqylaımyz. Bul saparymnyń qorytyndysy tabysty bolatynyna senimdimin, – dedi Slovakııa Premer-mınıstri.