مەملەكەت باسشىسى V دۇنيەجۇزىلىك كوشپەندىلەر ويىندارىنىڭ اشىلۋ سالتاناتىنا قاتىستى

مەملەكەت باسشىسى V دۇنيەجۇزىلىك كوشپەندىلەر ويىندارىنىڭ اشىلۋ سالتاناتىنا قاتىستى پرەزيدەنت قاسىم-جومارت توقاەۆ شەت مەملەكەتتەردەن كەلگەن مارتەبەلى مەيماندارمەن جانە جۇرتشىلىقپەن بىرگە V دۇنيەجۇزىلىك كوشپەندىلەر ويىندارىنىڭ سالتاناتتى اشىلۋ ءراسىمىن تاماشالادى, دەپ حابارلادى اقوردانىڭ ءباسپاسوز قىزمەتى. 

«استانا ارەنا» ستاديونىندا وتكەن شاراعا وزبەكستان پرەزيدەنتى شاۆكات ميرزيوەۆ, قىرعىزستان پرەزيدەنتى سادىر جاپاروۆ, تۇرىكمەنستان حالك ماسلاحاتىنىڭ توراعاسى گۋربانگۋلى بەردىمۇحامەدوۆ, تاتارستان رەسپۋبليكاسىنىڭ رايسى رۋستام ميننيحانوۆ, ساحا رەسپۋبليكاسىنىڭ باسشىسى ايسەن نيكولاەۆ, موڭعوليانىڭ بۇرىنعى پرەزيدەنتى ەنحبايار نامبارىن, دۇنيەجۇزىلىك ەتنوسپورت كونفەدەراتسياسىنىڭ پرەزيدەنتى ءبىلال ەردوعان, سونداي-اق يۋنەسكو, اوسشك, بۇۇ دۇنيەجۇزىلىك تۋريزم ۇيىمى, تۇركى مەملەكەتتەرى ۇيىمى, تۇركسوي, تۇركى ينۆەستيتسيالىق قورى, تۇركى مەملەكەتتەرىنىڭ پارلامەنتتىك اسسامبلەياسى, يسلام سپورت قاۋىمداستىعى, ازىق-ت ۇلىك قاۋىپسىزدىگى جونىندەگى يسلام ۇيىمىنىڭ باسشىلارى, ەۋروپا وداعىنىڭ ورتالىق ازياداعى ارنايى وكىلى جانە باسقا دا رەسمي تۇلعالار قاتىستى.

ءدۇبىرلى دودانىڭ اشىلۋ سالتاناتىندا قازاق جەرىن مەكەن ەتەتىن ءتۇرلى ەتنوس وكىلدەرىنىڭ بالالارى قازاقستان رەسپۋبليكاسىنىڭ تۋىن الىپ شىقتى بۇدان كەيىن ەلىمىزدىڭ ءانۇرانى شىرقالدى. قالىپتاسقان ءداستۇر بويىنشا جارىسقا قاتىسۋشى مەملەكەتتەر سپورتشىلارىنىڭ شەرۋى ءوتتى.

بيىلعى كوشپەندىلەر ويىندارىنا ازيادان, ەۋروپادان, سولتۇستىك جانە وڭتۇستىك امەريكادان, افريكادان, سونداي-اق اۆستراليادان سپورتشىلار كەلدى.