Memleket basshysynyń 2024 jylǵy qyzmetiniń nátıjeleri týraly maqala shyqty

Berik Ýálıdiń aıtýynsha, jańa jyl qarsańynda memleket basshysy qyzmetiniń negizgi nátıjelerin oqyrmandarmen bólisý qazirdiń ózinde jaqsy dástúrge aınalǵan.

Zakon.kz jazǵandaı,  Memleket basshysy Qasym-Jomart Toqaevtyń elimizdi damytý men órkendetý jolynda jyl boıy atqarǵan qyzmetine sholý jasap, qoǵamdyq-saıası ómirdegi, áleý­mettik-ekonomıkalyq damý­daǵy irgeli ózgerister men tabys­tarǵa qysqasha toqtalýdy jón kórdik.

Eldigimizdi tanytqan eren jyl

Prezıdent bıyl jumys saparymen elimizdiń 11 óńirine bardy. Aımaqtardaǵy 60-tan asa óndiristik jáne áleýmettik-mádenı nysandarmen tanysyp, jurtshylyqpen kezdesti. Sondaı-aq el ishindegi 41 is-sharaǵa qatysty. Olardyń qatarynda forýmdar, keńester, otyrystar sekildi túrli formatta ótken jıyndar bar. Elimizdiń saıası jáne qoǵam qaıratkerlerimen 137 kezdesý ótkizdi.

Memleket basshysy osy jyly 3 979 qujatty qarap, qol qoıdy. Onyń ishinde 95 zań, 319 jarlyq, 81 ókim, 28 otyrys hat­ta­masy, 3 456 qyzmettik qujat qabyldandy (25 jeltoqsandaǵy málimet boıynsha).

Syrtqy saıasatta da jemisti jyl boldy. Atap aıtqanda, Qasym-Jomart Toqaev bıyl 23 ret shet memleketke saparlady, 19 halyqaralyq forým men sammıt jumysyna atsalysty. Halyqaralyq is-sharalar aıasynda ózge eldiń basshylarymen 27 ret kezdesti. Sondaı-aq shet memleketterdiń jáne úkimetterdiń basshylarymen, basqa da joǵary laýazymdy tulǵalarymen, halyqara­lyq jáne óńirlik uıymdardyń jetekshi­leri­men, bıznes-qoǵamdastyq ókilderimen 84 kezdesý ótkizdi. 22 memlekettiń elshisinen senim gramotalaryn qabyldady. Memleket basshylarymen 49 márte telefon arqyly sóılesti.

Endi osy sandarmen órnektelgen ju­mys kestesiniń barysynda el ıgiligi úshin jasalǵan isterge nazar aýdaraıyq.

Eń áýeli, jyl basyndaǵy aqjoltaı jańalyqty aıta ketken abzal. Prezıdent Qasym-Jomart Toqaev 9 qańtarda «Almaty oblysynyń ákimshilik-aýmaqtyq quryly­syndaǵy ózgerister týraly» Jarlyqqa qol qoıdy. Jetigen aýyly Alataý qalasy bolyp qaıta quryldy. Osylaısha, keleshekte Almaty men Qonaevtyń ortasynda boı kóteretin Alatau City qalasynyń irgesi qalandy. Birneshe jyldan beri talqylanyp kele jatqan jańa ýrbanıstik jobany júzege asyrýǵa sheteldik ınves­torlar aıryqsha qyzyǵýshylyq tanytyp otyr. Prezıdent Sıngapýr saparynda jáne odan keıin de áleýetti ınvestorlarmen kezdesip, Almaty aglomeraııasyn órkendegen ekonomıkalyq aımaqqa aınaldyrýdy kózdeıtin jobanyń jaı-japsaryn talqylady.

Ult upaıyn túgendegen Quryltaı

Eldik máseleler qozǵalatyn Ult­tyq quryltaıdyń úshinshi oty­­rysy bıyl kóne Saraıshyq jur­­tynda – Atyraý oblysynda ótti. Quryltaıda ult bolmysyn qalyp­tastyratyn táýelsizdik pen otan­shyldyq, birlik pen yntymaq, ádil­dik pen jaýapkershilik, zań men tár­tip, eńbekqorlyq pen kási­bı biliktilik, jasampazdyq pen jańa­shyldyq sekildi basty qundylyq­tar aıqyndaldy. Sonymen qatar Prezıdent bes áleýmettik keselmen kúresti kúsheıtý jóninde naqty tapsyrma berdi. Osyǵan oraı, bıyl Áıelderdiń quqyqtary men bala­lardyń qaýipsizdigi týraly Zańǵa qol qoıyldy. Iaǵnı turmystyq zor­lyq-zombylyq úshin qatań jaza belgileıtin, balalar quqyǵynyń qorǵalýyn qamtamasyz etetin jańa normalar engizildi.

Budan bólek, Adam saýdasyna qarsy is-qımyl týraly arnaıy zań qabyldandy. Vandalızm men ózgeniń múlkine zııan keltirgeni, qoǵamdyq tártipti buzǵany úshin jaýapkershilikti kúsheıtýge, qumar oıynǵa táýeldilikti azaıtýǵa, veıpke tyıym salýǵa baǵyttalǵan zańnamalyq ózgerister jasaldy. Atalǵan bastamalarǵa qatysty zań jobalaryn ázirleýge Parlament depýtattarymen qatar, Ulttyq quryl­taı músheleri de belsendi atsalysty. Osylaısha, Prezıdent únemi aıtatyn «Zań men Tártip» ústemdigi qoǵamda birtindep ornyǵyp keledi.

Birliktiń bekem úlgisi

Kóktemgi sý tasqyny eldi ábigerge salyp, halyqtyń da, memlekettiń de múlkine zor zardabyn tıgizgeni belgili. Elimizdiń 10 óńirinde jergi­likti deńgeıdegi tótenshe jaǵdaı jarııalandy. Memleket basshysy adamdardy dereý qaýipsiz jerge kóshirý jáne qarǵyn sýdan zardap shekken azamattarǵa qajetti kómek kórsetý jóninde tapsyrma berdi. Eń kóp zardap shekken úsh oblysqa, atap aıtqanda, Batys Qazaqstan, Soltústik Qazaqstan jáne Qostanaı oblystaryna baryp, halyqtyń muń-muqtajyn tyńdady.

Tasqyn sýdyń saldarynan mal-múlkinen aıyrylǵan jandardyń esh­qaı­sysy eleýsiz qalǵan joq. Mem­leket mindettemesin tolyq orynda­dy. Zardap shekkenderdiń bárine ma­­te­rıaldyq, qarjylaı qoldaý kór­setildi.

Atap aıtqanda, sý tasqynynan zardap shekken óńirlerde komıssııalar jumys istedi, olar azamattardyń jalǵyz baspanasy bolǵan 19 359 úı men saıajaı qurylystaryn tekserdi. Olardy baspanamen qamtamasyz etý maqsatynda jyljymaıtyn mú­lik naryǵynan 5 767 turǵyn úı satyp alyndy. 9 156 úıge jóndeý ju­mystary júrgizilip, júz paıyz aıaqtaldy. Bul maqsattarǵa barlyǵy 54,7 mlrd teńge bólindi. Sondaı-aq qysqa merzimde 64 mlrd teńgege 2 680 jeke turǵyn úı salyndy.

Buǵan qosa 36 455 otbasyna jalpy somasy 13,3 mlrd teńge, ıakı 100 AEK mólsherinde birjolǵy áleýmettik kómek kórsetildi. 21 876 otbasyna 9,9 mlrd teńge kóleminde 150 AEK-ke deıingi ótemaqy tólendi.

Shaǵyn jáne orta bıznes sýbek­tilerine keltirilgen zalaldy óteý úshin 12,1 mlrd teńge bólindi. Zardap shekken kásipkerlik sýbektilerine tolyq tólem jasaý maqsatynda «Demeý» korporatıvtik qorynan Atyraý, Batys Qazaqstan jáne Soltústik Qazaqstan oblystaryna 2,5 mlrd teńge kóleminde qosymsha qarajat bólý máselesi pysyqtaldy. Atalǵan qarajat esebinen ShOB sýbektileriniń 40 ótinishi boıynsha shyǵyny óteldi. Jalpy, óńirlik komıssııalar 14,6 mlrd teńgege 734 kásipkerdiń ótinimin maquldady.

Taǵy bir aıta keterligi, mal shy­ǵynyn tóleý úshin memleket tarapynan kórsetilgen kómektiń kólemi 2,8 mlrd teńgeden asty.

Osyndaı qıyn-qystaý sátte hal­qy­myz aýyzbirshiliktiń úlgisin kórsetti.

Alys-beris artty

Jyl basynda, ıaǵnı 7 aqpanda ótken Úkimettiń keńeıtilgen otyrysynda Prezıdent básekelestikti damytý, ekonomıkaǵa memlekettiń aralasýyn qysqartý, bıznes shyǵyn­daryn azaıtý arqyly kásipkerlik erkindikti qamtamasyz etýdi tap­syr­ǵan edi. Qasym-Jomart Toqaev 10 mamyrda «Ekonomıkany yryq­tandyrý jónindegi sharalar týraly» Jarlyqqa qol qoıdy. Al 2 qyrkúıekte Qazaqstan halqyna arnaǵan «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda Pre­zıdent elimizdiń taıaý keleshektegi ekonomıkalyq damýynyń negizgi baǵyt-baǵdaryn aıqyndady. Úkimet jyl boıy osy negizgi mindetterdi atqarýǵa bar kúsh-jigerin jumsady.

Máselen, 2024 jyldyń I jarty­jyl­dyǵynyń qorytyndysy boıynsha shetelden keletin tikeleı ınves­tıııanyń jalpy kólemi 9,8 mlrd dollardy qurady. Bul kórset­kish taý-ken ónerkásibi, kóterme jáne bólshek saýda, óńdeý ónerkásibi salalarynda kóbirek tirkeldi. Negizgi kapıtalǵa salynǵan ınvestıııa kólemi qańtar-qarasha aılarynda 15,8 trln teńgege jetti. Búginde 795,9 mlrd teńge kólemindegi somaǵa 134 joba iske qosyldy, 10,1 myń turaqty jumys orny quryldy. Memleket basshysy jańadan jumysyn bastaǵan birneshe iri zaýyt pen kásiporynǵa arnaıy baryp, qyzmetimen tanysty.

Barys-kelis jeńildeıdi

Elimizdiń kólik-tranzıt áleýetin arttyrý baǵytynda aıtarlyqtaı jetistikter bar. Mysaly, Prezıdent 28 aqpanda telekópir arqyly Qytaıdyń Sıan qalasyndaǵy Kólik-logıstıka ortalyǵyn ashty.

Sıan – Qytaıdyń toraptyq tranzıttik ortalyǵy jáne eń iri qurǵaq port ornalasqan qalasy. QHR men Eýropa Odaǵy arasyna qa­tynaıtyn konteınerlik poıyzdar­dyń 40 paıyzyna jýyǵy osy jerden jóneltiledi.

Sıan qurǵaq portyndaǵy qazaq­stan­dyq termınaldyń jobalyq qýaty jylyna – 66,5 myń JFE (jıyr­ma fýttyq ekvıvalent). Termınal elimizdiń eksporttaýshylary úshin jańa ótkizý naryqtaryna jol ashady, júkterdi jetkizý merzimin edáýir qysqartady jáne Qazaqstannyń Eýrazııadaǵy senimdi tranzıttik hab retindegi pozıııasyn nyǵaıtýǵa múmkindik beredi.

3 shildede Qasym-Jomart Toqaev pen QHR tóraǵasy Sı zınpın Transkaspıı halyqaralyq kólik baǵyty boıynsha júk kólikteri men temirjol konteınerlerin jónel­tý rásimine telekópir rejiminde qatys­ty. Qytaı – Qazaqstan – Kas­pıı teńiziniń akvatorııasy – Ázer­baıjan – Grýzııa arqyly ótip, ári qaraı Eýropa elderine baratyn Transkaspıı halyqaralyq kólik baǵyty ýaqyt jaǵynan da, ekono­mıkalyq turǵydan da tıimdi kólik jolyna aınalady.

Sonymen qatar О́zbekstanmen ara­daǵy kólik-tranzıt múmkindikterin keńeıtý jáne Transaýǵan temir­joly baǵytyn damytý jóninde ýaǵda­lastyqqa qol jetkizildi.

Budan bólek, elimizde 1,4 myń shaqyrym temirjol jóndeýden ótip, 12 myń shaqyrym avtokólik joly salynyp jatyr. «Taldyqorǵan – О́skemen», «Qaraǵandy – Almaty», «Aqtóbe – Atyraý – Astrahan» jol­darynyń halyqaralyq talap­tar­ǵa saı jańǵyrtylýy elimizdiń óńiraralyq baılanysy men tran­zıttik áleýetin aıtarlyqtaı arttyra túsedi.

Osy oraıda Memleket basshysy­nyń tapsyrmasymen Shyǵys Qazaq­stan oblysynyń turǵyndary qan­shama jyldan beri kútken Buq­tyr­ma sý qoımasy arqyly ótetin kópir qurylysy aıaqtalǵanyn aıta ketken lázim. Bul Marqakól, Kúrshim aýdandarynyń oblys ortalyǵymen baılanysyn jeńildetti. Buǵan deıin atalǵan aýdandardyń halqy parom arqyly qatynap kelgen edi.

Elimiz jol ınfraqurylymyna halyqaralyq damý ınstıtýttarynan mol qarjy tartyp otyr. Atap aıtqanda, Dúnıejúzilik bank Kólik joldarynyń ornyqtylyǵy men baılanysyn jetildirý baǵdarlama­sy (TRACE) aıasynda atqarylatyn qazaqstandyq jobaǵa 650 mln dollar bólý jóninde sheshim qabyldady. Bul qarjy Orta dálizdiń áleýetin arttyrýǵa, sonyń ishinde «Jezqazǵan – Qaraǵandy» avtomagıstralin kúrde­li jóndeýden ótkizýge jumsa­lady. Sondaı-aq Azııa damý banki «Qyzy­lorda – Jezqazǵan» jolynyń quryly­syn júrgizýge 300 mln dollardan asa qarajat bóldi.

Áleýmettiń áleýetin kótergen jobalar

Prezıdenttiń tapsyrmasymen «Jaıly mektep» ulttyq jobasy aıasynda qalalar men qarqyndy damyp kele jatqan eldi mekenderde 460 myń oqýshyǵa arnalǵan jańa 217 mekteptiń qurylysy júrgizilip jatyr. Búginde 36 mektep paıdalanýǵa berildi. Onyń 15-i aýyldyq eldi mekenderde ornalasqan. Bul – bilim berý salasynyń ınfraqurylymyn damytý isinde qala men aýylǵa birdeı kóńil bólinedi degen sóz.

Al birneshe jyldan beri júzege asyrylyp kele jatqan «Aýyldaǵy densaýlyq saqtaýdy jańǵyrtý» ulttyq jobasy aıasynda alǵashqy sanıtarlyq-medıınalyq kómek kórsetetin 276 nysannyń qurylysy aıaqtaldy. Onyń 99-y 2023 jyly, al 117-i bıyl iske qosyldy. Keler jyly 125 nysannyń qurylysy júrgiziledi. Onyń ishinde 32 aýdandyq aýrýhanany jańǵyrtý jumystary jalǵasyp jatyr.

Bıyl rekordtyq ónim jınaldy

Memleket basshysy agroónerká­sip kesheniniń áleýetin arttyrýǵa aıryqsha mán beredi. Shetelge sapar­lary kezinde osy salanyń ınves­tıııalyq múmkindikterin udaıy tanystyryp júredi.

Bıyl kóktemgi sý tasqynyna qara­mastan, 26,7 mln tonna astyq jınaldy. Bul – keıingi 10 jyldaǵy rekordtyq kórsetkish. Muny memle­kettiń dıqandarǵa kórsetken júıeli qamqorlyǵy men qoldaýynyń nátı­jesi deýge bolady. Kóktemgi egin jáne jıyn-terin jumystaryna 5 paıyz mólsherlememen tikeleı jeńildetilgen nesıe berile bastady. Ol úshin alǵash ret jarty trıllıon teńgeden asa qarjy qarastyryldy.

Negizgi azyq-túlik taýarlary bo­ıynsha ımportqa táýeldilikti azaıtý – mańyzdy mindet. Osy baǵyt­ta birqatar joba iske asyryldy. Dándi-daqyldar selekııasy men tuqym sharýashylyǵyn damytý týraly keshendi jospar qabyldandy. Dıqandar otandyq tuqymmen qam­tama­syz etilýge tıis.

Sonymen qatar aýyl sharýashyly­ǵy tehnıkasyn jańartý deńgeıin jylyna 8-10 paıyzǵa deıin jetkizý úshin 120 mlrd teńge bólindi. Tehnıkany 5 paıyzdyq mólsherlememen lızıngke berý baǵdarlamasy bastaldy.

О́ndirilgen azyq túlikti saqtap, tutynýshyǵa jetkizýge qoıma-logıstıka keshenderi kerek. Aldaǵy jyldary syıymdylyǵy 700 myń tonna bolatyn qoımalar salynady.

Jalpy, bıyl alǵash ret ótken Qazaqstannyń aýyl sharýashylyǵy eńbekkerleriniń birinshi forýmynda agroónerkásip keshenin damytýdyń negizgi mindetteri aıqyndaldy. Onda kóptegen is-sharamen qatar, qa­zaq jylqysynyń tuqymyn saq­taý jáne kóbeıtý úshin arnaıy zań qabyl­danǵany aıtylyp, endi bul baǵytta ta­ǵy bir mańyzdy qadam retinde Úki­­met­­ke Jylqy sharýashylyǵy ıns­tı­tý­­tyn qurý jóninde tapsyrma beril­di.

Baıandy bastamalar

Qasym-Jomart Toqaev 2025 jyldy «Jumysshy mamandyqtary jyly» dep jarııalady. Iaǵnı qo­ǵam­da adal eńbek, adal azamat qun­dy­­lyq­taryn sińirý jolyndaǵy júıe­­­li ister atqaryla bastady. My­sa­ly, den­saýlyq saqtaý másele­le­rine qa­tysty zań medıına qyz­met­kerleriniń jaýap­kershiligin aıqyndap qana qoı­maı, olardyń mártebesin arttyrý­dy, kásibı minde­tin atqarý barysynda jan-jaqty qorǵaýdy kózdeıdi. Dárigerler qaýymy bul jańalyqty ystyq yqylaspen qabyl aldy.

Tuńǵysh ret «Qazaqstannyń eńbek sińirgen dárigeri» qurmetti ataǵy beki­tilip, alǵashqy ıelerine tabystaldy. Jalpy, bıyl memlekettik nagradaǵa eńbegimen úlgi bolyp júrgen el azamattary kóp usynyldy. Keler jyly bul ıgi dástúr jalǵasyn taýyp, eńbek adamyna zor qurmet kórsetiledi.

Sonymen qatar Memleket basshysy bilim men tehnologııaǵa negizdelgen ekonomıka qurý isine zor kóńil bóledi. Munyń bir kórinisi retinde bıyl Ǵylym jáne tehnologııalyq saıasat týraly zańǵa qol qoıylýyn aıtýǵa bolady. Onda ǵylymı jetistik­terdiń nátıjesin óndiriske engizýdi kózdeıtin tehnologııalyq saıasattyń negizgi baǵyttary men tetikteri barynsha qamtyldy.

Tazalyq árkimniń ózinen bastalady

Prezıdenttiń bastamasymen sáýir aıynda jalpyulttyq «Taza Qazaqstan» ekologııalyq akııasy bas­taldy. Kóktemgi sý tasqynymen arpalysyp, daǵdarǵan shaq bolsa da, Prezıdent óńir ákimderine bo­sańsymaı, aınalany tazalaý, abattandyrý isine dereý kirisýge pármen berdi. Bul jalpyulttyq sıpat alatyn turaqty úderiske aınalýǵa tıis ekenin qatań eskertti. Túpki maqsat – qoǵamda ekologııalyq mádenıet qalyptastyrý.

Jyl boıy júrgizilgen akııaǵa 2,4 mıllıonǵa jýyq adam qatysty. Júzdegen myń aýla men aýmaq tazartylyp, 900 myń tonnadan asa qoqys shyǵaryldy. Shamamen 2,5 mıl­lıon kóshet otyrǵyzyldy. 20 myńnan asa áleýmettik nysannyń aýmaǵy, 4,6 myńnan asa qoǵamdyq oryndar, saıabaqtar, shaǵyn baqtar abattandyryldy. 5 myńnan asa tarıhı-mádenı nysan jáne 758 sýburqaq retke keltirildi. О́zender men kólderdiń jáne basqa da sý aıdyndarynyń aınalasyndaǵy 5,8 mıllıon sharshy metrden asa aýmaq, 8,4 mıllıon metr­den asa aryq tazartyldy.

Taǵdyrsheshti tańdaý

6 qazan kúni AES qurylysyna qatysty ótken jalpyulttyq referendýmda halyq óz yqtııaryn bil­­di­rip, tańdaý jasady. 5 561 937 azamat nemese daýys berýshilerdiń 71,12 paıyzy AES salýdy qoldady. Prezıdent AES qurylysyna baılanysty «Bul Táýelsiz Qazaqstannyń búkil tarıhyndaǵy eń iri jobaǵa aınalady. Atom elektr stansasyn salý – uzaqmerzimdi joba. Atalǵan bastama elimizdiń ornyqty damýyn onjyldyqtarǵa ilgeriletedi, sondaı-aq ınjenerler shoǵyry men ártúrli beıindegi mamandar legin daıarlaýǵa jaǵdaı jasaıdy. Demek onyń paıdasyn qazirgi jastarymyz ben bolashaq urpaq kóredi», dep atap ótken bolatyn.

Referendýmnan keıin Qasym-Jomart Toqaev Franııa Respýb­lıkasyna memlekettik sapary aıasynda osy eldiń Prezıdenti Emmanıýel Makronmen jáne Qazaqstanǵa mem­lekettik saparmen kelgen Reseı Pre­zıdenti Vladımır Pýtınmen AES qurylysy týraly pikir almasty. Qazirgi ýaqytta Qytaı tarapymen osy baǵytta kelissózder júrgizilip jatyr. Iaǵnı birneshe jylǵa sozylatyn megajobany júzege asyrý atom ónerkásibinde mol tájirıbesi bar iri kompanııalardan quralǵan halyqaralyq konsorıýmǵa júk­teledi.

Jýyrda Memleket basshysy Energetıka mınıstri Almasadam Sátqalıevti qabyldap, elimizde salynatyn atom elektr stansasynyń qurylysyn jedeldetýdi tapsyrdy.

Halyqaralyq baılanys

Elimizdiń syrtqy saıasattaǵy jetistikterine arnaıy toqtalǵan jón. Qazaqstan bıyl alty halyqaralyq uıymǵa, atap aıtqanda, ShYU, TMU, AО́SShK, UQShU-ǵa, Azyq-túlik qaýipsizdigi jónindegi Islam uıy­myna, sondaı-aq Halyqaralyq Araldy qutqarý qoryna tóraǵalyq etti. Franııamen birge Rııad qalasyn­da One Water sammıtin uıymdas­tyrdy. Osy jaýapty mıssııalardy elimiz abyroımen atqaryp shyqty. Joǵary deńgeıdegi kezdesýlerde mańyzdy bastamalar kóterip, tıisti qujattardyń qabyldanýyna uıytqy boldy. Egemen ári derbes el retinde óziniń saıası, ekonomıkalyq, áskerı qaýipsizdik salalaryndaǵy basymdyqtaryn ilgerilete tústi.

Jyl basynan beri Memleket basshysy Qatar, Ázerbaıjan, Sın­­ga­pýr, Tájikstan, Mońǵolııa, Fran­ııa jáne Majarstan elderine memlekettik saparmen, al Italııa, Vatıkan, Armenııa, Túrikmenstan jáne Serbııa elderine resmı saparmen bardy. Mundaǵy keıbir elderge Qazaqstan Prezıdentiniń sońǵy 20 jylǵa jýyq ýaqyttan keıin alǵash ret saparlaǵanyn atap ótken jón.

Bul Memleket basshysynyń jan-jaqty yqpaldastyqqa basa nazar aýdaratynyn ańǵartady. Memlekettik jáne resmı saparlardan bólek Prezıdent túrli halyqaralyq is-sharalarǵa qatysý úshin 11 elge jumys saparymen bardy. Budan basqa, elimizge túrli deńgeıdegi saparmen kelgen 11 shet memlekettiń basshylaryn qabyldap, kelissózder júrgizdi.

Bir jyl ishinde elimizdiń birinshi borty 158 983 shaqyrymdy ushyp ótti. Prezıdent ushaq pen tikushaqta 245 saǵat 18 mınýtyn ótkizdi. Bul – jer sharyn tórt ret aınalyp shyqqanmen birdeı qashyqtyq.

Salıqaly sammıtter

Shanhaı Yntymaqtastyq Uıymy­na tóraǵalyq aıasynda shilde aıynda Astanada atalǵan qurylymnyń 24-sammıti ótti. Qazaqstannyń Uıym­ǵa tóraǵalyq etý kezeńinde túrli deńgeıde 150-ge jýyq is-shara uıym­dastyrylyp, uıymnyń shart­tyq bazasy 60 jańa qujatpen tolyq­ty. ShYU seriktesteri sanalatyn halyq­aralyq uıymdardyń sany kóbeı­di. Investıııalar jónindegi arnaıy jumys tobynyń qyzmeti qaıta jandandy. Almaty qalasy 2023–2024 jyldary ShYU-nyń mádenı jáne týrıstik astanasyna aınaldy.