«مەملەكەت كومەكتەسەدى دەپ تۋدىڭىز با? بالانى باعا الامىڭ با دەپ ويلان»: بايان الاگوزوۆا كوپبالالى انالاردى سىنعا الدى

فوتو ماراتا كۋراكوۆا/Kazpravda.kz

Umai ايەلدەر فورۋمىندا سپيكەر بولعان بايان الاگوزوۆا مەملەكەتتەن قولداۋ كۇتەتىن كوپبالالى انالاردى سىنعا الىپ, بالاعا جاعداي جاساۋ تەك اتا-انانىڭ جاۋاپكەرشىلىگىندە ەكەنىن جەتكىزدى, دەپ جازادى  qandastar.kz  Alash.kz ۇلتتىق پورتالىنا سىلتەمە جاساپ.

«مەملەكەت بىزگە كومەكتەسپەيدى دەيتىن ايەلدەردى تۇسىنبەيمىن. بالا تۋاردا مەملەكەت كومەكتەسەدى دەپ تۋدىڭىز با? مەملەكەت مىندەتتى ەمەس. بالا تۋاردا وسى بالانى باعا الامىن با دەپ ويلانعان ءجون. مىسالى, ءوزىم ۇلكەن قىزىمدى تۋعان سوڭ, 2 ايدان سوڭ جۇمىسقا شىعىپ كەتتىم. ال كىشى قىزىمدى بوسانعان سوڭ, 20 كۇننەن كەيىن جۇمىسقا شىقتىم. سەبەبى قازىر جۇمىسقا شىقپاسام, ەلەۋسىز قالىپ, ۇمىتىلاتىنىمدى ءبىلدىم. تەلەارناعا ەشكىم شاقىرماس ەدى. قىزدارىمنىڭ مەكتەپتەگى جينالىسىنا, باسقا دا جەرلەرگە باراتىن ۋاقىتىم بولمادى. ەسەسىنە ولاردىڭ ساپالى ءبىلىم الۋىنا بارلىق جاعدايدى جاسادىم. مەن ەڭ ءبىرىنشى ءوزىمدى ويلادىم. بالا ءۇشىن بارىمدى بەرۋگە ءتيىسپىن, بالا ءۇشىن ءوزىمدى قۇربان ەتۋىم كەرەك دەيتىن ايانىش تۋدىراتىن سەزىمدەردىڭ كەرەگى جوق. بالامەن تاڭنان كەشكە دەيىن بىرگە وتىرسام, جاقسى شەشە بولعانىم دەپ ويلايتىندار بار. الايدا بالانىڭ قاسىندا وتىرىپ, وعان نە ۇيرەتتىڭ?!  ماسەلە وسىندا», — دەدى بايان ماقساتقىزى.