«Memleket kómektesedi dep týdyńyz ba? Balany baǵa alamyń ba dep oılan»: Baıan Alagózova kópbalaly analardy synǵa aldy

Foto Marata Kýrakova/Kazpravda.kz

Umai áıelder forýmynda spıker bolǵan Baıan Alagózova memleketten qoldaý kútetin kópbalaly analardy synǵa alyp, balaǵa jaǵdaı jasaý tek ata-ananyń jaýapkershiliginde ekenin jetkizdi, dep jazady  qandastar.kz  Alash.kz ulttyq portalyna silteme jasap.

«Memleket bizge kómektespeıdi deıtin áıelderdi túsinbeımin. Bala týarda memleket kómektesedi dep týdyńyz ba? Memleket mindetti emes. Bala týarda osy balany baǵa alamyn ba dep oılanǵan jón. Mysaly, ózim úlken qyzymdy týǵan soń, 2 aıdan soń jumysqa shyǵyp kettim. Al kishi qyzymdy bosanǵan soń, 20 kúnnen keıin jumysqa shyqtym. Sebebi qazir jumysqa shyqpasam, eleýsiz qalyp, umytylatynymdy bildim. Telearnaǵa eshkim shaqyrmas edi. Qyzdarymnyń mekteptegi jınalysyna, basqa da jerlerge baratyn ýaqytym bolmady. Esesine olardyń sapaly bilim alýyna barlyq jaǵdaıdy jasadym. Men eń birinshi ózimdi oıladym. Bala úshin barymdy berýge tıispin, bala úshin ózimdi qurban etýim kerek deıtin aıanysh týdyratyn sezimderdiń keregi joq. Balamen tańnan keshke deıin birge otyrsam, jaqsy sheshe bolǵanym dep oılaıtyndar bar. Alaıda balanyń qasynda otyryp, oǵan ne úırettiń?!  Másele osynda», — dedi Baıan Maqsatqyzy.