قارجى جانە تولەمدەر
مەملەكەت قوجامجاروۆ اۋلەتىن ميكروسكوپپەن باقىلاپ وتىر
فوتو: اشىق دەرەككوز
مەملەكەت قوجامجاروۆ اۋلەتىن ميكروسكوپپەن باقىلاپ وتىر, دەپ جازادى qandastar.kz
باس پروكۋراتۋرا جانىنداعى اكتيۆتەردى قايتارۋ كوميتەتى بيزنەسمەن دۋلات قوجامجاروۆتى زاڭسىز اكتيۆتەردى مەملەكەتكە قايتارۋ تۋرالى زاڭ اياسىنداعى ارنايى رەەسترگە ەنگىزدى دەپ حابارلادى Ertenmedia.
اتالعان رەەستردەگى ادامداردىڭ اتى-ءجونى قوعامعا جاريا ەتىلمەيدى, بيلىك تىزىمدەگى تۇلعالاردى بۋللينگتەن قورعاۋدى ماقسات ەتىپ وتىر.
قوجامجاروۆ شەشىممەن كەلىسپەي, باس پروكۋرورعا شاعىم تۇسىرگەن جانە اكتيۆتەردى قايتارۋ جونىندەگى كوميسسيانىڭ بۇيرىعىن جويۋدى تالاپ ەتكەن ەكەن. الايدا ارىزىنا لايىقتى دالەل ۇسىنا الماعان.
Forbes-ءتىڭ مالىمەتىنشە, دۋلات قوجامجاروۆتىڭ بايلىعى 
110 ملن دوللار. ول ەلدەگى ەڭ اۋقاتتى بيزنەسمەندەر رەيتينگىندە 57-ورىندا تۇر. شىمكەنتتە ورنالاسقان ءىرى وندىرىستىك كەشەنى بار Hill Corporation كومپانياسىنىڭ قوجاسى. كومپانيا ءتۇرلى تەحنيكالىق مايلار مەن جاعارماي ونىمدەرىن وندىرۋمەن اينالىسادى. دۋلات قوجامجاروۆ – بۇرىن باس پروكۋرور ءارى سەنات دەپۋتاتى بولعان قايرات قوجامجاروۆتىڭ تۋعان باۋىرى.
