مەملەكەت ءمامس جارنالارىن تولەۋدى توقتاتپاق

فوتو: اشىق دەرەككوز

استانا دەنساۋلىق ساقتاۋ باسقارماسىنىڭ باسشىسى تۇرعىنداردىڭ مەديتسينالىق قىزمەتتى تەگىن الۋ ءۇشىن ءوزىن جۇمىسسىز رەتىندە تىركەپ جاتقانىن ايتتى. بۇل تۋرالى qandastar.kz Besmedia سايتىنا سىلتەمە جاساپ حابارلايدى.

استانا قالالىق قوعامدىق دەنساۋلىق ساقتاۋ باسقارماسىنىڭ باسشىسى ءاليا رۇستەموۆا جۇمىسسىز رەتىندە تىركەلگەن قازاقستاندىقتاردىڭ الەۋمەتتىك مەديتسينالىق ساقتاندىرۋ قورىن قارجىلاندىرماۋدى ۇسىندى.

«تىركەلگەن جۇمىسسىزداردىڭ سانى جىل سايىن ارتىپ كەلەدى. ولاردىڭ كوپشىلىگى مىندەتتى مەديتسينالىق ساقتاندىرۋ بويىنشا بەلگىلى ءبىر قىزمەتتەردى تەگىن الۋ ءۇشىن جۇمىسسىز رەتىندە تىركەلگەن. ەڭبەك نارىعىن تۇراقتاندىرۋ ماقساتىندا جۇمىسسىزداردى جەڭىلدەتىلگەن ساناتتان تولىعىمەن الىپ تاستاۋدى ۇسىنىپ وتىرمىز», – دەدى ول.

ونىڭ ايتۋىنشا, قازىرگى ۋاقىتتا استانادا ساقتاندىرىلماعاندار سانى – 339 530 ادام, بۇل حالىقتىڭ 23%-نا تەڭ. ونىڭ ىشىندە 12,5 مىڭ ادام ە ساناتىنا (توتەنشە جاعداي), 44,5 مىڭ ادام D ساناتىنا (داعدارىس دەڭگەيى) جاتادى.

«قازىرگى ۋاقىتتا ءبىز E جانە D ساناتىنداعى ازاماتتاردىڭ الەۋمەتتىك جاعدايىن انىقتاپ جاتىرمىز, 1 تامىزداعى جاعداي بويىنشا D ساناتى بويىنشا 263 ادام, ە ساناتىنداعى 223 ادام جۇمىسسىز رەتىندە تىركەلگەن», – دەدى ول.

توتەنشە جاعداي دەڭگەيىنە (ە ساناتى) جۇمىستان كەنەتتەن ايىرىلعان, دەنساۋلىعىنىڭ كۇرت ناشارلاعان نەمەسە باسقا دا توتەنشە جاعدايلارداعى ادامدار كىرەدى. بۇل ادامدارعا جاعدايىن تۇراقتاندىرۋ ءۇشىن شۇعىل كومەك قاجەت.

داعدارىس دەڭگەيىنە (D ساناتى) ۇزاق ۋاقىت جۇمىسسىز, تۇراقتى قارجىلىق قيىندىقتارى بار ادامدار, سوزىلمالى اۋرۋلارى جانە باسقا دا الەۋمەتتىك پروبلەمالارى بار ادامدار كىرەدى. بۇل ادامدارعا ۇزاق مەرزىمدى قولداۋ قاجەت.

ەسكە سالساق, بۇعان دەيىن مءامس جارناسىن تولەيتىن قازاقستاندىقتار ءۇشىن مرت مەن كومپيۋتەرلىك توموگرافيا ارزاندايتىنىايتىلدى.